Не знам зошто, ама скоро секогаш миксот направен од страна на НБА не може да се споредува со клип направен од страна на некој НБА фан. Ова е официјално клипче на НБА, кое не е лошо, но во кое недостигаат неколку куцања на Леброн, Коби, Џош, на Кармело преку Милсеп итн…кои не верувам дека некој НБА фан ќе ги заборавеше.

“Never in our wildest imaginations did we feel I would be standing up here introducing a new coach and we would be 0-17.”

- Nets team president Rod Thorn, at interim coach Kiki Vandeweghe’s introductory press conference.

Мејк ит 0-18. По претставувањето на Кики како (привремена) замена за Лоренс Френк, во Њу Џерси пристигна човекот кој од некогашните НБА бедници и создаде тим за почит и учесник во две финалиња во низа…И, нормално, Кид и Мавси без многу проблем им обезбедија на Нетси посебно место во НБА историјата.

Тимот во кој удел има Џеј-Зи, кој за некоја година планира да се пресели во Бруклин и кој е прв со странски мнозински газда успеа да биде полош дури и од комшиите ТитаНикси, и тоа уверливо полош.

Кој би рекол дека по трејдот на Винс еден тим ќе падне толку ниско. А немаат лоши момци во тимот, пред се Девин Херис, Брук Лопез и Крис Даглас-Робертс, како и Алстон, кој има покажано дека може да биде фактор, но во победничка екипа. Тука е Ји, кој е повреден.

Штета, посебно за единствениот фан на Нетси кај нас кој јас го познавам…иако не верувам дека ги има многу повеќе ни во самиот Њу Џерси.