Да не биде дека само јас мрчам за глупата казна на Амари и Борче, еве неколку познати новинари со свои колумни, а има и два блога со свој став и предлог:

- Иан Томсен.

- Пит Мекентегарт.

- Џек Мекалум.

- 100%InjuryRate имаат свој поглед на стварите.

- Според еден од ретките блогови посветени на Спарси, јасно е дека и на нив не им се по воља толку глупите суспензии. За средување на ситуацијата момците од PoundingTheRock имаат интересна идеја за вечер.

* * * * *

Еј, и да, Дирк и официјално е МВП. Честито Дирк. Ипак е човекот прв не-Американец со вакво признание како и прв кој не одел во средно или на колеџ во САД, а е прогласен за МВП. Не е мала ствар. Кјубан се излигави на пресот на кој му беше доделена наградата на Новински, фалејќи го Дирк ко да му е дечко…Изгледа Трамп имаше право со изјавите за Кјубан пред недела-две.

Да не биде дека пишувам само за Феникс и Сан Антонио.

Свака им част во Јута за камбекот во финалето на Западот за прв пат по 1998 година, кога играа и во големото финале. Посебно ми е мило за Џери Слоун, кој редовно е издриблан за “Тренер на годината“. Изгледа дека со будењето на Кириленко се разбудија и во Солт Лејк Сити.

Што се однесува до Вориорси, нема за што да жалат, и така никој не очекуваше од нив да стигнат до тука. Јута само им го направи она за што Далас не беше способен. Со Јута остануваат фил-гуд стори на овој плеј-оф.

Свака им част и на Булси, кои доколку стварно успеат да ги елиминираат тие 0-3 дефинитивно ќе им се приклучат на Јута и Голден Стејт во таа фил-гуд категорија. Им остануваат уште две пречки.

НБА има глупи правила и поради нив, тоталното немање слух и било каква човечност, Гејм 5 од она што требаше да биде најдобрата серија во овој плеј-оф ќе стане серија во која ќе мораме да го видиме хоророт наречен Пет Бурк на теренот.

Кого друг да играат Санси во рекетот без суспендираните Амари и Диао? Курт Томас нема да може да игра 48 минути.

Кога синоќа на ЕСПН ја видов на веста за казните на Говното, Амари и Диао, не можев да се изначудам. Онака, се почувствував како некој да ми украл нешто, како некој да ме шутнал на земја и ми ја одземал можноста да ја гледам често клучната средба во секоја серија која овој пат требаше да биде прав спектакл во Феникс каде сумњам дека Санси можеа пак да изгубат од прљавите Спарси.

Но, како и на другите дуели од серијата, НБА и судиите застанаа на страната на Сан Антонио (а не сум фан на Феникс!) и му поклонија речиси сигурна победа на својот тим во следната средба по која со 3-2 ќе се селат во Аламо.

Знам дека ова звучи малце претерано, ама казните немаат никаква логика. Па што ако Амари и Борче станале од клупа по фаулот на Говното над нивниот лидер? Секој со трунка емоции и што играл барем една минута кошарка знае дека во таква ситуација не можеш да седиш на клупа и да си свиркаш. Што е уште поважно, што ако Амари и Борче станаа да видат како е Неш, откако Говното го запука во записничката маса? А и не дека само они двајца станаа од клупите и стапнаа на теренот.

Друго ќе беше да настанеше хаос на теренот и Амари и Борче да се умешаа во некаква расправија и тепачка со Спарси. Вака, по само неколку секунди тие си се вратија на клупата.

Плус, тоа се деси и доста порано во средбата , а момците од BrightSideofTheSun имаат свој предлог за тоа кој треба да биде суспендиран за влегување во теренот.

Не дека нивната желба треба да се исполни, ама не требаше ни таа на Спарси. Говното за започнување на целиот хаос, ништо чудно и да е со намера, требаше да биде суспендиран најмалку до крајот на оваа серија (што може така и да испадне) или па до крајот на плеј-офот.

Од НБА последниве две години јасно изјавуваа дека ќе пробаат да сотрат во корен се што нема врска со кошарката и дека казните ќе бидат екстра строги. Освен изгледа кога некој од “нивните“ не е во прашање.

Стварно не ми се јасни овие само две утакмици казна за Говното.

Да сум еден од ретките фанови на Спарси надвор од Сан Антонио би чувствувал грижа на совест за сево ова. Нормално, ако имам совест. Би ми било криво поради фактот што мојот играч кој ја започнал целата работа и изреагирал како говно е казнет скоро исто како и двајцата играчи на Феникс кои немаат врска со целиот инцидент. Да не зборам за важноста на секој играч посебно за својот тим. Секогаш сакаш да го совладаш противникот комплетен и чисто, а не со нечија помош.
И сега што? Тимчо Роботчо ќе убаци 100 поени и фати 30 скокови и Спарси ќе се радуваат ко мали деца што ја добиле Гејм 5 над “силните“ Санси? Се надевам дека нема да биде така. За доброто на кошарката и на НБА.

За вакви играчи има само еден израз, многу едноставен, а тоа е ГОВНО.

Па какво говно треба да си за да направиш вакво нешто? Сега останува само да се надеваме дека чичко Стерн и компанија ќе бидат паметни па ќе го казнат Говново до крај на плеј-оф, без казни за било кој друг, зашто ни Амари ни Борче не заслужија суспензија.

“At what point is enough enough, and at what point are you supposed to take offense? The league has made it very difficult to stand up for yourself: it’s their job. But at the same time their opinion doesn’t always coincide with yours. It’s difficult and I don’t always know the answer to that.”

Хмммммм…ќе гледам да пишам нешто малце покасно. Ако тоа не бидне, онда барем ова:

Крајно чудна утакмица со крајно чудно судење. Не викам дека судиите ја одлучија утамицата, ама имаа голем удел во уништувањето на било каков ритам на Санси.

Санси пак, сами си се криви што не искористија неколку шанси во втората четвртина за да направат плус 15. Наместо тоа дозволија втората петорка на Спарси да им ја стопи предноста и да го сврти резултатот.

Амари, колку и да се жалиш на судењето, а имаше најмалку два фантомски фаула над тебе, мораш да бидеш малку попаметен во некои ситуации кога треба да го оставиш Тимчо или Хори да убацат два наместо да правиш глуп фаул. Да останеше 40 минути на теренот резултатот можеше да биде доста поинаков.

На Неш не му одеше ништо во првите две и пол четвртини, а потоа се разбуди и за малце не фати трипл-дабл. Мислам дека проблемот со Нешти на почетокот не беше во одбраната над него на Спарси, него на оние шутеви кои не влегуваат, а знаете дека да пробате уште 100 пати ќе убаците минимум 99 од нив. Тоа, и слабото движење во нападот на другите Санси.

Борче беше добар како замена за Амари се додека Спарси не одлучија да го удвојуваат, а овој не знае да извади убав пас за жива глава.

Свака му част на Тимчо, а и на Ману, ама бе толку да се плачело до судии, и тоа во утакмица кога е очигледно дека те штитат во скоро секоја ситуација, стварно не ми е јасно. Ете затоа се најмрскиот тим во лигата и немаат свои фанови надвор од Сан Антонио.

Синоќа на неколку пати му простија чист фаул на Данкан кога тој имаше три, а после и четири лични. Да беше истиот критериум ко за Амари, и Тимчо ќе си седеше на клупа на подолго време. Вака, заштитен од судиите имаше простор да се наметне и доминира во рекетот каде па Санси никако не сакаа да удвојат.

Ману доби прст во око, ама тоа беше чисто ненамерно. Нешто што не може да се каже и за Боувен.
Брус Боувен е ПРЉАВ тип!!!

ПС: Ова значи дека нема да има текст покасно:) Ваљда.

ПС2: КАПА ДОЛЕ ЗА ЏЕЈСОН КИД КОЈ ГИ РАСТУРИ КАВСИ И ГО ПОМИНА ЛЕРИ БИРД НА ВЕЧНАТА ТРИПЛ-ДАБЛ ЛИСТА. Се мисли на плеј-офот.

PS: Шанса да ја осетите атмосферата во Оукленд, а и реакцијата на Мајк Тарико.

(Барав клип од куцањето во фаца на Кириленко од страна на Брадата, ама уште никој не го аплоудувал).

Каква што беше и во серијата со Далас, атмосфера во Оукленд беше луда и за првата посета на Јута, а оној мерач на децибели го вадат само на неколку пати во десет  години. Последен пат го имаше кога Сакраменто имаше своја НБА екипа и кога Кингси значеа нешто во лигата. Претходно, 1996-та се мереа со него децибелите во Сиетл, кој буквално може да остане без своја НБА екипа.

(Нормално, ние што гледавме на наш канал не можевме да чуеме ништо од таа атмосфера, а Орбит ЕСПН не даваа иако најавија на нивниот сајт. Буљаши. Изгледа немаа рисивер и декодер за и они да украдат пренос од Премиере. Тоа ти е. “Кој ќе си плати, тој ќе си клати“).
И во таква атмосфера сосема е разбирливо што се губат гостинските екипи и што Вориорси играат ко луди. 11-те тројки во првото полувреме сабајлево се изедначување на плеј-оф рекордот, а Берон конечно здрав и конечно во вистинскиот систем го покажува целиот свој потенцијал. И фала му за тоа.

ПС: Колку си само пати во текот на утакмицата сабајлево си реков, и тоа на глас:

Боже, каков е ова кретен!