Никогаш не си ни помирисал како е да се игра во втора рунда. Задњиве пет-шест години даваш изјави како си еден од најдобрите играчи во лигата, но никако да станеш лидер и тоа го потврдиш на теренот. Сега ќе полниш 28 години и редно време е да докажеш дека заслужуваш да бидеш дел од НБА елитата.

И да, на тебе е Трејси. На тебе е да ги однесеш Рокетси во втората рунда. После вечерва или ќе те зборат како лузер или како легитимна ѕвезда. На тебе е.

Дизни филмчето продолжи во северна Калифорнија, а Стивен Џексон, заедно со Берон и публиката во Оукленд, беа главни виновници за елиминацијата на Но-Вински и Мавси. Не е лошо за играч кој за малце ќе лежеше затвор пред некој месец.

Иначе, фоткава е монтирана насловна од момците од SLAM, зашто во стварност, тешко дека ќе му дадат насловна на Џекес. Освен ако Вориорси не стигнат до финалето.