Па што ако Јута губи со 2-0 против Рокетси. Клуб кој има вакви фанови низ светот, треба да се плаши за својата иднина. Шваба до коска.

ПС: Можам да замислам во оваа улога и некои фанови на Лејкерси. Од земјава:)

ПС1: Вечер сигурно ги гледам првите две, а третата тешко, ипак треба да се оди на работа. Ако случајно имам време ќе шкртнам нешто.

ПС2: Сем Мичел е “Коуч оф д Јир“. Некој да спомнеше само вакво нешто пред стартот на сезоната, па и негде во декември, одма ќе го сместеа во лудница. Свака част, Семчо, иако и тоа можеби нема да му биде доволно да добие нов договор. Бизарно.

DaqwIj bItu’pu’ chay’ g ghorgh H wejpuH ‘ tlhIH

Note: Ова „плејоф-сезоната“ е кражба од Игор Трпевски, за оние што биле лишени од задоволството да гледаат пренос на Сител.

Note no.2: Шепард из бек

Идеме текма по текма

Кливленд – Вашингтон

Овдека нема што многу да се збори, Визардси без Аринас се беспомошни, така што малку бесмислено ми е да се задржувам на овој дуел.. е малце загрижува ноџето, односно глуждчето на ЛеБрон (ако навивате за Кавс) ама сигурен сум дека све тоа ќе биде санирано. Јас кога видов, малку се потресов додуша..

Сан Антонио – Денвер

Па Ајверсон и Кармело можеле да играат заедно и да дадат све од себе; очигледно серијата кон крајот на сезоната и табањето на Спарси пред почетокот на разигрувањето не биле случајни. Некако ми се чини дека ерата на роботите ќе замре. Покрај мрга како Кемби и уште едно говедце како Нене`, Данкан синоќа беше целосно неутрализиран, и генерално, Денвер го натскока Сан Антонио, и згора на тоа 61 поен на тандемот 3&15.. отиде предноста на домашен терен..

Далас – Голден Стејт
Она што сите се обидуваа да го занемарат, вклучувајќи ме и мене, е тоа што Вориорси годинава се единствениот непоразен тим од Далас (ако не се лажам ). Изведувајќи постава во која Ал Херингтон фигурира ко петка, со Џекес на четворка, Дон Нелсон пак го зезна својот бивши помошник, а за да биде целосна фрустрацијата кај домаќините, се потруди Берон Дејвис со 33 поени, 14 скока, 8 асистенции.. и 3 украдени топки. Новицки тотално угушен, Мавс од поле вкупно 35% и само 4 поена од клупа (Стакхаус нула), се доволно да се заклучи дека Ејвори мора да ги шамара пред гејм 2. Или они него.

Феникс – Лејкерс

Уткамицата што имавме чест да ја проследиме на Сител, уствари боље и да не ја гледавме. ОК, ова од аспект на навивач на Лејкерси. А сега малце објективно.

Првото полувреме заврши со предност на Лејкерси благодарејќи на ужасно слабите Санси. Јас дури се изненадив како толку се изнапромашуваа и како не успеваа да ги казнат грешките на ЛА. Му фати раката на Коби и со тројките на крајот на втората четвртина, набрзинка успеа да ги избоцка тотално цела постава на Феникс сосе навивачите, ама па тоа кај нив делува стимулирачки, и уште во трета четвртина се виде каде води пато.. Амари се напизди, а капак на све беше Барбоса (кого органски не го поднесувам), кој против Фармар, Смуш, Вујачич, па и малку индолентниот Коби во второ полувреме, не му беше тешко да ги реализира сите тие шашми.. За на крај, Коби да посере све што направи во првиот пола саат од натпреварот, и на крајот Феникс доби меч кој требаше да си го изгуби

Мене лично, не ми се допадна политиката (баш политика онака) на Фил Џексон со Смуш на клупа. Сепак Фармар е НБДЛ калибар, грд е и има клемпави уши.. Квами ко Квами, подобро да глуми у рап спотови него на терен, Бинам малце изненади со самопоуздањето ама има леееееб да јаде, Одом никогаш нема да го сфатам, што му е целта во животот, а и Коби богами.. кај Феникс, шашмите си се шашми, Мерион ги утепа со тоа грдиот шут, Барбоса со сета своја радост и игривост тотално измрда све од гаќици, Неш напраил фрка дур да трепнеш.. да се надеваме дека ЛА ќе се консолидираат, оти во спротивно серијата ќе заврши уште во Стејплс на гејм 4. Кај е сега Груевски..

Со два дена задоцнување, еве ја и Фотката на неделата. Од плеј-офот е, ама не од нешто што се дешаваше на паркетот. На оваа лепа фотографија го имате триото Расел, Герардини, Доукинс и мислам дека не е тешко да се погоди кој е Италијанец, нормално, не од аспект на тен него на стил на облекување.

Доукинс отсекогаш бил лик кој немал никаков вкус за облекување, така да не изненадува затворсково одело. Но, тоа не е главен моменат на фоткава. Тој епитет и припаѓа на белата чарапа на дедо Бил искомбинирана со класична ципела, такозвана Шуњалица. Класика. А-ла Мајкл Џексон пред некои 20 години. Шуњалица форевер.

ПС: Хјустон и Детроит си тепава дома.

Свака му част на Динка, а и на Булси што поведоа со 1-0 против шампионот.

Денг беше одличен, а и Бен Гордон и Носиони го пратеа во чекор.

Капетан Кирк имаше бедна вечер, веројатно една од најслабите во кариерата, ама за негова среќа имаше кој да го извади и да игра и за него.

Сепак, гледајќи ја првата средба некако ми се чини дека Мајами ќе се разбуди и ќе иде даље. Можеби и ќе тепа веќе на следната во Чикаго.

Булси имаа среќа со трите смешни фаули кои судиите му ги дувнаа на Шек, кој беше ѕвер во 1. полувреме.

Бен е дрво. Не, Бен е црепотина. Типот има игра во напад…не. И пак во еден шут од три метри прво погоди во горниот дел од таблата. Бедотија од…ќе кажев играч за малце.

На неколку моменти дури и проба да го чува Шек.

Вејд не е Вејд. Очигледно е дека е на некои 60-70%, иако и таков на крај беше голем проблем за Булси. Му фали експлозивност и веројатно од тоа и од третманот на судиите кон Шек ќе зависи оваа серија.

Ова на брзинка дури е тајм-аут во Чикаго….

Првата плеј-оф утакмица на Крис Бош, а и на скоро сите други Репторси помина онака како што сите што беа облечени во црвено во Торонто не сакаа. Оние 12 типци во црвени дресови се исклучок.

Не дека Нетси беа нешто, посебно не Картер кој беше труба во камбекот во Канада. А и му трубеа цело време кога го имаше баскетот во раце.

Првата плеј-оф утакмица сезонава беше тапа. Мајами – Чикаго сигурно ќе бидат бољи. И се, барем после првава четвртина.

Кога сме кај Торонто, ова беше првата плеј-оф утакмица како тренер и за Сем Мичел. Толку од предноста на домашен во оваа серија.

(Ова е најава која денеска ја пишував за во весник. Искрено, пишувањето на оваа тема за во весник и нешто слично (заедно со др. работи) за идниот број на еСпорт ми го прави мрско правењето посебна најава само за МакНБА. Но, тоа и не е толку страшно затоа што овој текст во основа е моја прогноза за првата рунда. И тоа литературно напишан. Имате слобода во коментарите да си додадете по нешто ваше за секоја серија посебно. И тaka.)

Пистонси се тимот кој со најмалку промени во формата ја одигра сезоната на Истокот и целосно заслужено стигна до својата шеста сезона по ред со најмалку 50 победи. Детроит покрај фондот на проверени и докажани играчи, го има она што на Орландо очајно му недостасува, а тоа е искуството на играње во плеј-офот. Никој од сегашниот тим, со исклучок на тогаш повредениот Грент Хил, не беше дел од последниот плеј-оф настап на “магичните” 2003 година кога тие исто така во првата рунда со 1-3 беа елимирани од Детроит.
Орландо има млад тим предводен од Двајт Хауард кој можеби ќе успее малку да ги замори Пистонси, но тешко е за верување дека ќе успее да стигне до една победа, па можеби ни до неа.

Веројатно најлесниот дуел за прогнозирање поради драстично ослабените Визардси кои се без своите двајца претставници на Ол-старот сезонава, Аринас и Батлер. Кога минатата година истите два тима се сретнаа во првата рунда, добивме крајно возбудлива серија во која Леброн Џејмс и Аринас имаа неколку големи дуели. Овој пат, Леброн е осамен и би требал без никакви проблеми и замор да ги однесе Кавси во втората рунда. Големо чудо ќе биде доколку Вашингтон успее да стигне и до една единствена победа.

Заедно со дуелот на Булси и Мајами, двобојот на Нетси и Репторси е еден од најтешките за типување во првата рунда. Доколку Торонто продолжи со стилот на игра од регуларниот дел на сезоната и преку својата прва ѕвезда Крис Бош ја наметне својата игра, тогаш Репторси би требале да бидат дел од втората рунда. Но, доколку неискуството кога станува збор за разигрувањето биде еден од главните фактори во оваа серија, тогаш Нетси и тоа како ќе ја имаат својата шанса.
Винс Картер сигурно ќе има посебни мотиви во дуелот против тимот во кој стана НБА ѕвезда.
Со оглед на тоа дека составот на Сем Мичел има поголем број на квалитетни играчи, Торонто на крајот би требал да излезе како победник, но Картер и Кид на другата страна ќе се обидат да направат с$ што е во нивна моќ да спречат таков развој на настаните.

Откако сосема неочекувано минатата година на подоцнежниот шампион Мајами како аутсајдер му зададоа доста маки во првата рунда, Булси оваа година според многумина ќе ја имаат улогата на фаворит. Во прилог им оди и предноста на домашниот терен поради подобриот скор (49-33) од тој на Хит (44-38).
Сепак, колку и да се Булси помлади и побрзи од Мајами и колку и да е добра нивната одбрана, шампионот е тој кој ќе се прашува околу патникот во следната рунда. Доколку Двејн Вејд ги надмине проблемите со рамото и коленото и Шекил О’Нил продолжи во стилот во кој ја одигра втората половина од сезоната, тогаш Чикаго ќе се намачи да ја добие оваа серија. На крајот, овој дуел веројатно ќе зависи од тоа колку Вејд е способен повторно да го носи Мајами кон финалето, овој пат со поголема помош од Шек.

Допуна: (Кирк Хајнрих денеска изјавува по весници: “We feel we should’ve won last year’s series, honestly. We felt we should’ve won Game 5. So we’re confident. It’s a team we’re familiar with.”

Нормално, Шек не останува покус и му враќа: – ”They want to make it a rivalry. It’s not. Not on our end. Do something to make it a rivalry. Whatever FM they can conjure up to play — fake motivation — that’s on them. But they’ve asked for us. And here we come.”

Медиумски оваа серија секако е една од најинтересните. Што поради повторниот дуел на Дон Нелсон и неговиот екс-клуб и ученик Ејвори Џонсон, што поради фактот дека Вориорси сезонската серија ја добија со 3-0 и што поради еуфоријата која владее во Оукленд по прекинувањето на најдолгиот плеј-оф пост во лигата од 12 години без разигрување.
Сепак, кога подобро ќе се погледне, плеј-искуството на Мавси и нивната избалансирана игра во нападот им се сосема доволни без поголеми проблеми да ги минат Вориорси. Голден Стејт игра без центар и одбраната, како и кај секој тим на Нелсон во минатото, е само фантазија. Тоа ќе му одговара на Далас кој знае како да ги искористи тие дупки, но Дирк Новицки и дружината не смеат да си дозволат да им дозволат премногу простор на Вориорси кои тоа добро знаат да го искористат.
За очекување е возбудлива серија која со сериозен пристап на Мавси не би требала да трае подолго од пет средби.

Мајк Д’Антони и Санси се убедени дека со својот брз и атрактивен стил на игра можат да ја освојат титулата, а исто како и лани, прва пречка на тој пат им се Лејкерси. Откако лани ја одиграа највозбудливата серија во првото коло, овој пат работите стојат малку поинаки за двата тима. Лејкерси во плеј-офот пак влегоа во последните неколку дена, а серијата лоши резултати во последните два месеци сигурно дека не влијае позитивно врз нив. На другата страна Феникс пак го има на располагање Амари Стадемаер, кој одлично се врати по операциите на двете колена последниве две години.
Лејкерси го имаат Коби Брајант кој е најопасниот играч во ова разигрување, но тешко дека тој може сам да им донесе чудо. Санси се предобро покриени на клучните позиции и го имаат двократниот МВП Стив Неш, кој обично одлично се снаоѓа против Лејкерси, за да имаат поголеми проблеми во првата рунда.

Две екипи кои се чиста спротивност. Од стилот на игра, до типот на ѕвезди кои ги предводат. Додека Сан Антонио има една од најдобрите одбрани во лигата, Денвер и не може баш да се пофали со тоа дека игра одбрана, но затоа може да се пофали со еден од најопасните напади во лигата. Скромниот Тим Данкан е лидер на Спарси и околу него се гради доста спората игра на тимот, додека Кармело Ентони и Ален Ајверсон се лидерите на брзите Нагетси. Во два од нивните три овосезонски дуели Спарси покажаа дека можат да го сопрат нападот на Денвер, така да во тој стил веројатно ќе продолжат и во разигрувањето. Мело и Ајверсон можат да им направат проблеми, но не толкави за да ги изненадат во првата рунда.

И тука како и кај Мајами и Чикаго, петиот тим поради подобриот скор ја има предноста на средба повеќе дома. Таа предност во ваква серија би требала да се покаже како клучна и да им ја донесе втората рунда на Рокетси. Тандемот Мекгрејди – Јао е еден од најдобрите во лигата на кој Јута ќе гледа да одговори со своето ударно трио Бузер – Вилијамс – Окур. Интересна серија која лесно може да се решава во последната средба, иако за очекување е да нема многу кошеви.

Бидна.

Нели пак ги однесе Вориорси во плеј-офот, по прв пат од 1994 год. кога исто така тој им беше тренер. Како ги одиграа последниве месец и пол, момците од Оукленд целосно заслужија да се омрсат, за разлика од Клиперси, кои по ланското изненадување се вратија на бедотијата на која и беа и се едно од најголемите разочарувања сезонава. Така и им треба.

Ги имаме и сите плеј-оф парови, ама за тоа ќе се пишува деновиве. Ако некој сака нешто да пише, слободно, мејлот го имате.