(Текст кој го пишував за денешниот број, а се однесува на главните играчи и имиња кои би требале да ги слушаме овие два дена или до четврток во полноќ. Иначе, од денес, на барање на доста голем дел луѓе кои ги знам, во страната ТИП погоре ќе го ставам фиксот кој секој ден го пишувам за во весник. Не дека сум луд по кладилници, ама ако тоа може некако да ви помогне да соберете пари за да не частите, онда ОК. Ако го утнам типот, кој ви е крив што ме слушате – К.)

Како и секогаш, по Ол-Стар викендот сe во НБА си се враќа во нормала. Оние клубови кои се дел од елитата и се враќаат на трката за што подобар пласман во плеј-офот, додека останатите или се борат за некое од последните места во разигрувањето или пак гледаат подалеку и размислуваат на што градење на тим за иднината.

Важен дел од целата равенка секоја година е крајниот рок за трампи, а тој оваа сезона завршува наскоро или во четврток вечер на полноќ. Тоа значи дека следните 48 часа ќе бидат веројатно најбурните за поголемиот дел генерални менаџери.

Од она што може да се прочита на речиси сите НБА сајтови и во сите најави и анализи е дека овие два дена би требале да бидат едни од најинтересните во последните неколку години. Од оние за кои се зборува дека се најактивни на пазарот најмногу се спомнуваат Њу Џерси, Клиперси, Денвер, Чикаго и Голден Стејт. Ви ја претставуваме листата од пет најпознати имиња кои лесно може да се случи до крајот на оваа недела да носат нов дрес.

Пау Гасол

Не е никава тајна дека Шпанецот е достапен за трејд откако пред месец и пол изјави дека би сакал да биде разменет во тим кој ќе се бори за титулата. Главниот за такви одлуки во Мемфис, легендарниот Џери Вест, со оглед на процесот на целосна обнова на тимот, изјави дека ќе му ја исполни желабата на Гасол, но и дека нема да се откаже од него без да добие нешто за возврат.

Од првиот момент кога стана јасно дека Пау сака промена на средината, Чикаго беше тимот со кој најчесто го поврзуваа. Така, една од шпекулациите е дека Булси во Мемфис за Гасол би испратиле еден член од младиот тандем Луол Денг – Бен Гордон, заедно со иден пик од првата рунда, уште еден играч, кој би требал да биде еден од триото Андрес Носиони, Табо Сефолоша и Тајрус Томас плус ветеранот Пи-Џеј Браун. Импресивна понуда, која сосема нормално, геренарлниот менаџер на Чикаго Џон Пексон изјавува дека не е подготвен да ја испрати на адресата на Гризлиси. Булси се млад тим и секој потег од вакви пропорции би можел покрај посакуваните позитивни, да има и многу негативни последици.

Доколку Чикаго не се одлучи да го понуди тоа што го бараат Гризлиси, за очекување е во трката за Гасол да се вклучат сезонава мизерните Селтиски. Тие можат да понудат пакет составен од младите Џералд Грин, Ал Џеферсон, ветеранот Тио Ретлиф и пик од првата рунда. Бостон можеби не е тимот кој Шпанецот го посакува потајно, но на крајот на краиштата, тој не е тој кој одлучува, за тоа се задолжени генералните менаџери.

Џејсон Кид

Име кое одеднаш стана актуелно во последните две недели е тоа на симболот на Њу Џерси, Џејсон Кид. Јасно е дека ниту еден клуб, па така ни Нетси не би сакале да се откажат од играч од типот на Кид, играчи какви ретко се наоѓаат, но тоа би можело да стане неизбежно овие два дена. Тоа се должи на сезоната, која што поради повредите, а што поради слабата игра полека се претворува во разочарување за момците на Лоренс Френк. Но, голем фактор е и Винс Картер, кој уште од минатото лето изјавува дека ќе ја искористи опцијата во договорот ова лето да стане слободен играч.

Со ослободувањето на дебелиот договор на Кид според кој му следуваат уште 40 милиони во следните две години и со евентуален трејд на Картер, Нетси се ставаат во многу подобра позиција за градење нова добар состав. И самиот Кид во текот на неколку интервјуа за време на престокот викендов во Лас Вегас изјави дека нема ништо против да биде трампан, посебно не во Лејкерси кои се загреани за него. Сепак, прашање е дали тоа што ќе го понудат тие е доволно да ги намами Нетси. Квами Браун, Џордан Фармар, Крис Мим и пик од првата рунда се можната понуда на Мич Купчак.

Според некои извори, Нетси се обидуваат во евентуален дил со Лејкерси да вклучат и трета екипа, а најчесто се спомнува Портланд. Но, не смее да се заборави дека трејдови со повеќе од две екипи се дота тешки за комплетирање и најчесно се случуваат во текот на летото или драфтот.

Во Њу Џерси исто така се надеваат и дека некој клуб ќе испрати подобра од понуда од таа која би дошла од Лос Анџелес. Исто така, се наметнува и прашањето што ако во текот на летото го загубат Картер, а сега не го трампаат Кид? Тоа сигурно ќе го успори растот на тимот кој планира преселба во Бруклин за најмалку две години.

Винс Картер

Картер уште лани си кажа дека планира да ја искористи опцијата во својот договор која ова лето ќе го направи слободен во изборот на својот иден клуб. Доколку тоа е вистина, тогаш најпаметно за Нетси е да се обидат да го трампаат сега наместо да го загубат и да не добијат ништо за возврат кога ќе заврши сезоната. Нормално, во текот на летото би можеле да направат и потпис-трејд со него, но прашање е што би добиле за возврат во тој случај.

Клиперси, Орландо и Мемфис веќе некое време се спомнуваат во комбинација за Винс, но тие нема да се впуштат во никаков трејд доколку не добијат гаранција од играчот дека на лето нема да ја искористи опцијата да стане слободен играч. Тоа во целост ја фрла во “аут” можноста Њу Џерси да стигне до Гасол, иако тие и тоа како се заинтересирани за Шпанецот.

Доста поверојатна дестинација во овој случај е родниот град на Картер, Орландо, каде и самиот играч изјави дека би сакал да ја заврши кариерата. грент Хил и неговиот договор кој истекува се една од опциите кои тимот од Флорида би ги понудил.

Мајк Биби

Кингси се многу послаби од очекувањата и прогнозите за оваа сезона, а главна причина за тоа е слабата игра на играчот кој треба да биде нивни лидер. Веројатно е тешко да се замисли Сакраменто без Мајк Биби на плеј, но неговите слаби игри и лошата атмосфера во “Арко” ја направија можна и таа варијанта. Први кои се јавија со интерес за Биби беа Кавси, кои очајно бараат квалитетен плеј кој би му олеснил задачата на Леброн Џејмс. Мајк би требал одлично да се вклопи во Кливленд, но прашае е што можат да понудат тие за да ги убедат Кингси да се откажат од него. веројатно и тука би требал да биде вклучен трет тим, но тие трампи се тешки за спроведување за само два дена.

Покрај Кавси, заинтересирани е и шампионот Мајами, но и тие немаат играчи кои би ги убедиле браќата Малуф и Џеф Питри во исправноста на таа одлука.Никако не смеат да се заборават 28-те милиони за оваа и следната сезона кои му следуваат на Биби, но и опцијата која исто како и на Картер, му дозволува да стане слободен играч.

Кори Магети

Речиси цела сезона Магети не е задоволен од тоа што Мајк Данливи му ја дава улогата на “шести човек” Еден кус период делуваше како да се средиле работите меѓу нив двајца, но последните месец дена од сезоната и дефитивно значат дека деновите на Кори во Клиперси се избројани. Имаше неколку комбинации во кои беше спомнуван Магети, меѓу кои и таа за Рон Артест од Кингси, како и за Картер во Нетси.

Две екипи како да се повлекоа во последно време, а во прв план изби Сан Антонио, кој пак нема што да им понуди на Клиперси, барем нема нешто што би ги заинтригирало доволно за да се откажат од Кори, кој со оглед на својот талент и скромниот договор е интересен за доста екипи.

Што прво се учи од секој странски јазик, а не се иде на курс? Мислам дека не е тешко прашање. Коби му се “напуши“ на Рондо, а еве линк до целата прича. Можеби подобро прашање е: Што мислите, од кај научил?

Еве и видео:

Бидна. Сега можеме да и се вратиме на кошарката. Мислев да пишам нешто за 56. Ол-Стар, ама ѕвездиве не ми дадоа некоја инспирација сабајлево. Едноставно, ми помина времето кога се палев на вакви “утакмици“. Ја сум повеќе по кошарката.

- Кич до даска. Поинаку и не би можело да биде во Вегас, претстолнината на кичот и на скоро сите позначајни светски градби, нормално, во смалена изведба.

- Андроидот Вејн Њутон?!?! Вистински избор со оглед дека сите НБА фанови го слушаат типот и неговата музика. Само што тие фанови последен пат гледале баскет кога Расел и Вилт се бореле под кошот. Њутон изгледа како да му е чичко на Дата од Стар Трек.

- Испуцавање до максимум. Идиотот Еди Џордан со форсирањето на неговиот Аринас, на кого ништо не му одеше од рака. Џо Џонсон и го заборави на клупа.

- Ипак, потегот на вечерта сепак е на Аринас, но не во игра него кога им се убаци на типците кои куцаа за време на еден од тајм-аутите.

Понекогаш за некои работи е толку лесно да се зезаш, што ти станува неинтересно. Толку за стручниот “коментар“ на Сител.

Сепак, да не беа они (и Премиере), тешко дека ќе ја гледавме саботната Ол-Стар вечер, како што кажа стручњакот, во еден свој испад “Плати – па клати“. Што се однесува до плаќањето, можно е тие да платиле за саботната вечер, исто како што лани плати и Спорт4, ама од за јавноста непознати причини (мене познати) немаше слика и звук од петокот и саботата во Хјустон.

Она што се дешаваше синоќа секако дека беше многу подобро од тоа од лани во Тексас, а Баркли и Бавета се погрижија оваа Ол-Стар сабота да има нешто по што ќе се разликува од сите до сега. Покрај трката на 67-годишниот Бавета и 150 кила тешкиот Баркли, за мене најзабавен дел беше налепницата на Двајт на цели 390 см.!!!, како и симболиката на победата на девет и пол прстиот со куцањето преку Нејт Робинсон.

Иначе, сабајлево Нејт пак до некоја мерка го упропасти натпреварот со своето докажување на исправноста на одлуката за новото “Нејт Робинсон“ правило кое дозволува само две минути. Пак беше тужно да се гледа Нејтчо, ама и некако слатко. Настрана од тоа, Нејт имаше две солидни куцања. Ипак, Двајт заслужи повеќе. Посебно за налепницата.

Но, со такво жири, тешко дека било кој ќе добие 50-ка. Таа на крајот беше само како хепиенд за Џералд. И за целата вечер.

Иначе, друго ми беше муабетот. Имам некое претчуство дека Дождовниот ќе се јави вечер од Вегас. Како што спомнав и во постот подолу, тој беше и лани во Хјустон, а и за малку и ќе се вклучеше директно во програма за главната вечер. Арно ама, тоа не се деси. А не беа никакви технички проблеми во прашање. Проблемот повеќе беше, или е, човечки.

Нема врска, со оглед на тоа на што беа оставени НБА фановите кај нас синоќа (сабајлево), со исклучок на Џоле, кој се гледа дека се уште до некаде си прати што се дешава во НБА (иако качил некое килце), тие, т.е. вие заслужувате повеќе, а токму тоа “повеќе“ нема да ме изненади ако вечерва ни го пружи Дождовниот. Јас ќе гледам со оригинал коментар, ама ќе проверувам чат-пат на Сител да не го чујам добропознатиот глас.

Како допуна, ни се јави стручњакот за куцања, Флајт. И тоа од Амстердам:

Јас ја имав таа срека да не гледам на Сител. Бев у Амстердам па си изгледав нормален амерички пренос…Е тоа што пијачка беше минимум 5 евра, тоа е друго…

Пишувам за да искоментирам за куцањата – нормално…. После фарсата лани, единствениот логичен правец во кој можеше да се развива данк контест-от е шоуменшип принципот. Состојбата “Се е видено” која се врака на сцена по бескрајните пермутации на елементите на Ви-Си од 2000 во изминатите години, наложува уште еден идеен пресврт во данк историјата.

Нешто слично на појавата на трики-куцањата и ставањето на декстерити моментите на пиедестал на почетокот на 90-тите – неизбежна последица од повлекуванјето на Мајкл и Никеж од данк-сцената….

Како што и очекував, во отсуство на суперстар харизма која би можела да остави личен печат на контест-от, ама и како последица на хиперинфлацијата на атлетски способности (Двајт Хауард е монструм, Нејт Робинсон е висок 170 цм!!!, за Џералд Грин не ни зборам), тоцката на дискрепанца мора да се бара во логиката на шоуто, сосема прикладно за Лас Вегас…

Во таа смисла, свежо ми делуваше пристапот на Хауард, кој оддавајки и почит на њујоршката вертикал данк традиција, ги емулираше потфатите на Д Гоут и Вајлд Тинг…Можеби ќе беше усте покул ако залепеше стикер од Манигаот…Малце АБА шмек наспроти мувлосаната имагинација на НБА од 21 век… (Усте и не му дозволуваат да го подигне обрацот на 12 фот… Ебати системот, ебати…)

Џералд Грин во сличен стил го прошета Лас Вегас рециклирајки го Ди Браун, ама во исто време и цитирајки го Ракер-Парк пристапот – оној стритбол код – хед то хед челенџ-от, прерипувајки го симболички актуелниот првак…. Прекрасно….

Што се однесува до техничкиот аспект, ништо спектакуларно, одамна видени елементи, страшно недостасуваше изразит уан-лег џампер….. Ех, Флајт, Флајт….

Сепак очекував повеке од Грин….За нијанса послабо од настапот на МекДоналдс пред 2 години….

ПС: Голема штета сто веке нема никакви шанси на Слем Данк Контестот да ја гледаме најголемата атлета во НБА во моментов – Џош Смит….

Ол-Стар викендов, барем за МакНБА ќе помине многу посмирено и поискулирано од лани. Без разлика што се игра во Лас Вегас.

Јас никогаш не сум бил во Вегас, ама од она што ми го кажувале тоа е еден од ретките градови во САД каде речиси се ти е дозволено, еден од ретките градови каде не може на секој чекор да се види полициски автомобил и еден од ретките т.е. единствениот каде можете да ги видите сите светски градби и чуда на едно место. Град кој во целост ја олицетворува американската мегаломанија, а и нивниот недостиг од национална историја. Нејсе.

Што се однесува на она што викендов ќе се случува во Томас енд Мек центарот, како што тргнаа да се откажуваат ѕвездите сигурно дома си седи Марк Медсен и чека Дејвид Стерн да го покани да замени некоја замена на друга замена. Нормално, како замена. Настрана од тоа што нема да ги има Нешти, Ајверсон, Бузер, Јаоза и Кид, остануваат доста спешл фаци кои сигурно ќе го направат овој Ол-Стар, прв во град без свој НБА клуб (но и град кој верувам дека во следните 5 години ќе си добие еден) нешто посебно. Кој не сака да биде главна фаца во Вегас?

Идеме по ред со она што ќе се дешава на 56-от Ол-Стар. Одма ја прерипувам најдосадната содржина (Шутинг Старс не ни ги рачунам) и прогнозирам победа на Софморсите. Ако има подосадна ревијална НБА утакмица од оваа, јас ја немам гледано. У пакет со ова го рипаме и Скилз… кој знам дека е направен под притисок на Плејстејшн, ама и стварно не му е местото на ваков голем настан.

Така, ги имаме двете класики, куцањата и тројки, кои одамна не се тоа.

Во моментов, шутирањето тројки е единствена дисциплина која има некој смисол и која не се сменила ич откога постои. Плус, редовно се пријавуваат имиња кои нешто значат во лигата. Што не е случај и со куцачите.

Стварно не ми е јасно како една дисциплина, која за доста фанови беше и синоним за НБА стигна до тој степен лани да се претвори во права фарса и смешка пред очите на целиот свет. Знам, тоа е процес кој се одвиваше со години, но знам и дека тоа можеше многу лесно да се спречи.

Едноставно, требаше фановите да можат да гласаат кого сакаат да видат како дел од натпреварот во куцање и тој да мора да се најде таму. Ако рече не, тоа ќе биде шамар за неговите фанови, а не верувам дека некој би сакал тоа да го направи. Наместо тоа, Стерн уште во жирито стави две фаци кои одбиваа и да ги одбранат титулите.

Ај, изборот на Винс за судија и не ме чуди, ама Коби? Типот не ни направи ништо посебно кога тепаше во куцање, а камоли да ми оценува вакво нешто. Се надевам дека нема го копира Кени Смит од лани, попаметен е од тоа.

Што се однесува до куцачите, ваљда Нејт Робинсон нема да биде под макази, па ќе видиме како победува некој кој стварно знае да закуца двапати, и тоа атрактивно од максимум три обиди. Гледам по многу блогови фаворит им е Џералд Грин, а и јас сум тука некаде. Тајрус би можел да направи нешто интересно, но после оние изјави мислам дека се му е џабе.

Тоа ни го остава Двајт Хауард, кој имал спремено нешто посебно….пази сеа….пируета на кош подигнат на 365 см.!!!! Арно ама, како по обичај, Стерн и компанија нема да дозволат да му се врати сјајот на куцањето и нема да дозволи такво нешто. Браво. Уште да го врати ново-стариот-нов баскет со кој не се игра од нова година.

Orlando sources report that Howard has been practicing a couple wicked maneuvers that might inject this dying competition with the ingenuity/originality it desperately needs. One is a 360 throwdown with the rim hiked to 12 feet, two feet higher than regulation. The other sets the rim at 11 1/2 feet and has Howard purportedly going between his legs with the ball in mid-air before flushing.

Проклет да си Дејвид Стерн. Овој викенд, па и овој натпревар во куцање треба да бидат забава за сите нас, во тоа е поентата. Тоа треба да биде претстава на креативноста, а не трагикомедија во која метро и пол нискиот аутсајдер станува херој прерипувајќи го својот идол од детството. Откако пред тоа закуца еднаш од 51651515547893 обиди.

Проклет да си. Двајт едноставно не требаше на никого да му кажува што планира и да проба да го направи тоа подигање на кошот на луди 365 см. пред самото куцање. Па нека го дисквалификуваат после тоа.

Ваљда ваквите ствари нема да го одбележат цел викенд.

Еве ги шансите на секој поединечно од ЅI.

ПС: Од Сител рекоа дека ќе почнат да даваат од вечер, значи комплетен викенд од Вегас. Прво инфо ми е дека ќе коментира стручњакот за баскет (и луѓе кои немаат фаца за тренери), но нема да ме изненади ако од нигде, и тоа сред Вегас, се појави Дождовниот. Можеби, то ест сигурно не знаете дека тој беше и лани во Хјустон, па и требаше да коментира од главната вечер. Арно ама, тоа не се деси.

Нека се деси годинава во Вегас.