Како што Муцана (од кого уште чекаме пригоден текст за Никси), линкаше во коментарите еден пост подолу, Њујорк втора средба по ред тепаше со шут во последна секунда и пак на крај на продолжение. По положувањето на Марбери над Мемо во контра за победа над Јута, Дејвид Ли во една фрики флешбек вечер им донесе нова победа на Никси во финишот.

Во MSG синоќа беа Јуинг, Оукли и Мајкл Џордан, а сите тројца беа дел од средбата која пред 16 години го одбележа стапувањето на сцена на едно ново правило, т.н. Trent Tucker Rule. Повеќе за тоа имате на линкот, а у кратки црти од нивниот дуел 1990 год. во кој Трент Такер прими пас од аут, се сврте и погоди тројка и тоа на само 0.1 секунди до крај за победа на Никси. Булси се бунеа, ама џабе. После тоа се покажа дека тие жалби не биле баш џабе и беше донесено правилото според кое на 0.1 секунди до крај играч може да поентира само од одбојка или преусмерување на патеката на баскетот. За да направи некој нешто како Такер и да биде регуларно на семафорот мора да има најмалце 0.4 секунди.

Еве го и клипот од карате кошот на Ли.

Претстојниов викенд кошарката конечно малку ќе мрдне напред и кај нас со организацијата на Ол-Стар викендот во “Парк“. Повеќе информации за самиот настан, како и гратис картите кои ќе ги поделиме тука на NBA Macedonia (се надевам) ќе има вечер или пак утре. До тогаш уживајте во логото.

Ваљда во текот на денов на официјалниот сајт на КФМ ќе не претркаат и ќе ја има целосната програма за Ол-Стар викендот.

ПС: СО ОГЛЕД НА ТОА ДЕКА СРЕДСТВАТА ОД ПРОДАДЕНИ КАРТИ ЌЕ БИДАТ НАМЕНЕТИ ВО ХУМАНИТАРНИ ЦЕЛИ ЗА ДОМОТ ЗА ДЕЦА БЕЗ РОДИТЕЛИ “11 ОКТОМВРИ”, НЕМА ДА ИМА ГАГА КАРТИ, ТУКУ СЕКОЈ КОЈ САКА ДА БИДЕ ДЕЛ ОД ВИКЕНДОТ И ГЛАВНАТА СРЕДБА ВО НЕДЕЛА ВЕЧЕР (ПА И НОВИНАРИТE) ЌЕ МОРА ДА ИЗДВОИ ОД СВОЈ ЏЕБ 50 ДЕНАРИ. СЕ ГЛЕДАМЕ ТАМУ.

(courtesy: ESPN)

“I respect everything that AI do, just for the simple fact that he came from the same place — not technically, but he came from the same place I came from. Which is the grimy… the streets, put it like that…” - Кармело Ентони во задњиот број на SLAM.

Бидна. Ајверсон стварно заврши во Саут Парк… овај, Денвер. Како што пишав вчера, после суспензиите на Мело и Смит, Нагетси мораа да запнат во трејдот за Ален, и вчера го направија баш тоа. Јас веста ја начекав околу полноќ вчера, кога направив пауза од привршување на втора сезона на LOST. Онака си префрлив на НБА ТВ, коа го гледам Рекс Чепмен со Марк Варкентин како држат прес во живо. Прво ми падна на памет дека е реакција на суспезиите, ама после само една секунда, кога го видов Рекс како се смее, знаев дека успеале да стигнат до Ајверсон.

Прво што ми падна на памет беше – Што ли дале за него и дали имало трет тим?. Кога Рекс кажа дека му е жал што мораа да се откажат од Андре Милер, сконтав дека Сиксерси не успеале во преговорите да го добијат Џеј-Ар Смит, на кого инсистираа од самиот старт. Изгледа талентот за бокс не им допаднал. Чудно, со оглед на фактот дека Роки е од Филаделфија.

Втората мисла беше – Денвер ги има првите двајца стрелци во лигата. И тоа единствените двајца со просек преку 30 поени. Како ќе функционираат заедно на теренот?Ален и Мело не ми се комбинација како Шек и Коби, Меџик и Ворти, Клајд и Хаким, Шек и Вејд итд…Кај нив работата е во тоа што за да бидат ефективни, и на двајцата им е потребна топката во раце. Уште сега мислам дека е исклучена варијантата Ајверсон да биде на двојка со Бојкинс на плеј. Можеби на моменти, ама посебно не сега кога Мело и Смит се во аут. Ален ќе има аудиција од 14 средби за да се афирмира како прв стрелец на тимот, а пратејќи го низ кариерата, каде и да одел и со кого и да играл, Ајверсон бил Алфа-мажјакот и бил главната фаца во тимот.

Мислам дека тоа и нема да биде толку негативно за тимот на Денвер. Ако Карл добро си ја заврши работата, тој ќе има во финишот на секоја утакмица по двајца играчи кои се едни од најопасните кога се решава победникот.

Не сум од оние новинари кои гледам сабајлево одма почнаа со текстови дека ова е лош потег на Нагетси, дека со овој состав максимум им е првата рунда и дека многу брзо ќе пукне тиквата меѓу Мело и Ален. Еден од нив, најверојатно и двајцата помалце, ќе мора да се откаже од понекој шут за доброто на тимот, а мислам дека и двајцата се доволно паметни да бидат свесни дека тоа е најдоброто за тимот. Мело е свесен и паметен (освен кога е во Њујорк) дека може многу да научи од Ајверсон, а Ален пак е свесен дека Нагетси му се последната шанса за нешто големо. Не мислам дека овие Нагетси се послаби од Сиксерси од пред пет години. Напротив.

Плус, доволно е да се погледне просекот на асистенции на Ајверсон последниве години да се увиди дека делењето на топката во нападот со Мело и нема да биде толкав проблем како што сигурно голем број аналитичари ќе истакнат следниве неколку дена.

Факт е дека Денвер мораше да направи нешто, а не се добива шанса секој ден да се стигне до бивш МВП на сезона и прв стрелец во лигата. Плус, мислам дека за разлика од Андре Милер, Ајверсон многу подобро се вклопува во брзиот систем на игра на Карл. Во комбинација со скоковите и блокадите на Маркус Кемби, шутчето за три на Смит, скокот на Реџи Еванс, борбеноста на Нахера, па и здравиот Кенјон Мартин догодина, Нагетси се опасна екипа. Уште еден плус, иако можеби не ги прави одма кандидати за титула, додека не се врати Мело, Ајверсон им дава шанса да преживеат на јакиот Запад.

“One thing I hear on a consistent basis, his teammates love him. I think we need better chemistry on my basketball team. I think we need more leadership. I think we need more emotional maturity, I think we need some mental toughness, some intensity, an every game, every possession mentality. I think everything I said there, Allen Iverson has” - Џорџ Карл.Што мислите вие?…Освен дека со овој трејд Нагетси автоматски станаа 100% по генгста.

* * * * *

Уште малце за тепачката во Медисон.

- Малиот човек Нејт одлучи да биде голем и се извини преку својот блог.

-Во Денвер пак, Карл си отвори душа и си кажа се што мисли за фраерот Ајзеа. Во Њујорк се спрема место за споменик на Карл. И тоа на Тајмс Сквер.

Од неделата вечерта Јаоза и официјално е американизиран. Прашање на време беше кога ова ќе се деси. Ја гледав Клиперс-Хјустон, ама ова не го приметив. Пазете што Јао им порачува на Клиперси. Подгответе се за светска доминација.

Млако, чичко Стерн, доста млако. Искрено, очекував, а и посакував, малку построги казни за играчите кои беа дел од макљањето во “Медисон“. Плус, некои ликови кои имаа свој удел во целата работа не попија никаква казна. Сега стварно очекувам Нагетси да запнат во трката по Ајверсон.

Џорџ Карл со изјава за Ајзеа. Priceless.Што мислите вие за казните?

Мајк Лупика и Њујорк Дејли Њуз го издвоија кривецот за хаосот во Медисон.

Со тоа се согласуваат и во Колорадо.

Кармело издаде соопштение во кое јавно им се извинува буквално на сите. Чудно не го спомиња и Спајк Ли.

Не знам за вас, ама мене најмногу во целиот хаос ме изнервира прцулот Нејт, кој за тоа и си доби од њујоршкиот печат. Него би сакал најмногу да го казнат. Не само поради тоа што го правеше на теренот, туку и поради изјавите дадени после средбата. Кликнете на линкот.

На крајот, сите си ја чекаат казната и се надеваат таа да биде што е можно помала.

Казните би требале да бидат изречени вечерва. Очекувам строга реакција од Дејвид Стерн, затоа што се друго ќе значи дека такво нешто може да се повтори. После она во Детроит вакво нешто разгалените милионери кои, како што спомнав подоле во најават за клипот, се платени ненормални милионски суми за да играат кошарка и бидат пример за другите, не смеат да си дозволат такво нешто. Добар наслов имаше Ленг Витакер од SLAM во својот пост за инцидентот наречен – Million Dollar Babies

Плус еве уште еден и уште еден линк од СЛЕМ.

И тогаш Коби му вика на Гилберт: “Каков играч си ти што дава повеќе поени од мене?”

А овој само му одговори: “Јас не сум играч. Јас сум Agent Zero!”

—–

edit: Shep

.. а Лазар ги гледа и вика: во комунизмот немаше толкави суети..

—–

edit: Kash

…и додава: А ни толкави индивидуалци

Кога више Лазар ги спомна индивидуалците, еве еден добар линак

ПС: Во долниот пост сега го имате и видеото на тепачите кои се платени ненормални суми долари за да играат кошарка и се однесуваат како примерни граѓани.

Не знам што да кажам. Го изгледав инцидентот по трети пат и уште не ми е јасно. Не ми е јасно што мајка му требаше на Марди Колинс да направи таков фаул над Џеј-Ар Смит на минута и пол до крајот. Исто како што не ми е јасна реакцијата на сите други играчи кои се најдоа на теренот во тој момент. Затоа ли ги плаќаат тешки милиони?

Не се согласувам со глупавите оправдувања на Ајзеа дека Колинс бил исфрустриран од убедливото водство на Нагетси или пак уште поглупавото дека до хаосот дошло поради тоа што Џорџ Карл ги оставил во игра стартерите во финишот, иако имал плус 19. Само со цел да ги посрамоти што повеќе Никси. И да има нешто вистина во сето тоа, тоа не е проблем на Ајзеа, туку на Карл, кој ако мисли дека не ризикува повреда на ѕвездите со тоа што ги држи во игра во таква ситуација или па е таков карактер па сака да го понижи противникот до коска – сам си одговара за своите постапки и за својата работа. Тоа не е работа на Ајзеа. Негова задача е што е можно подобро да ги подготви своите играчи, како ментално, така и физички, за секоја средба. Нешто од што Никси се многу далеку.

Муабетов на крај ме носи до Мело, кој не смееше да си дозволи да биде уфрлен во целиот хаос на начинот на кој се најде во сред тепачката. Иако е млад, Мело би морал да знае подобро дека неговиот статус на ѕвезда со себе носи и некои одговорности, а не однесување како да се наоѓа на улица. Тука се и некои карактерни особини, ама во тоа нема да се мешам.

Од сево ова најмногу ќе го попие Денвер и за очекување се силни казни за сите играчи кои беа вмешани. Некој маваше повеќе, некој помалку, ама со оглед на имињата кои беа дел од тоа Нагетси и тоа како ќе бидат во минус. Чичко Стерн ќе биде строг овој пат, многу строг, пред се затоа што по макљањето во Детроит пред две години изјави дека нема повторно да дозволи такво нешто.

ПС: Ај барем тепачиве ми го одвлекоа умот од Ајверсон и неговиот трејд.

* * * * * *

NBA’s rules regarding fights

SECTION VI: FIGHTING FOULS

A.Technical fouls shall be assessed players, coaches or trainers for fighting. No free throws will be attempted. The participants will be ejected immediately.

B. This rule applies whether play is in progress or the ball is dead.

C. If a fighting foul occurs with a team in possession of the ball, that team will retain possession on the sideline nearest the spot where play was interrupted but no nearer to the baseline than the free-throw line extended.

D. If a fighting foul occurs with neither team in possession, play will be resumed with a jump ball between any two opponents who were in the game at the center circle.

E. A fine not exceeding $35,000 and/or suspension may be imposed upon such person(s) by the commissioner at his sole discretion.

SECTION VII: FINES

A. Recipients of technical fouls for unsportsmanlike conduct will be assessed a $500 fine for the first offense, and an additional $500 for the second offense in any one given game, for a minimum total of $1,000. If a player is ejected on (1) the first technical foul for unsportsmanlike conduct, (2) a punching foul, (3) a fighting foul, (4) an elbow foul or (5) a flagrant foul, he shall be fined a minimum of $1,000.

B. Whether or not said player(s) is ejected, a fine not exceeding $35,000 and/or suspension may be imposed upon such player(s) by the commissioner at his sole discretion.

C. During an altercation, all players not participating in the game must remain in the immediate vicinity of their bench. Violators will be suspended, without pay, for a minimum of one game and fined up to $35,000. The suspensions will commence prior to the start of their next game. A team must have a minimum of eight players dressed and ready to play in every game. If five or more players leave the bench, the players will serve their suspensions alphabetically, according to the first letters of their last name. If seven bench players are suspended (assuming no participants are included), four of them would be suspended for the first game following the altercation. The remaining three would be suspended for the second game following the altercation.

D. A player, coach or assistant coach, upon being notified by an official that he has been ejected from the game, must leave the playing area IMMEDIATELY.

Source: NBA.com