напомена од директорот Shepard: сменета е анкетата (лево у сајдбарот)

Тоа што Пистонси играат со Кавси во 2. рунда само додаде уште масло на муабетот за споредбите меѓу Мајкл и Леброн. Така да, вакви текстови не треба да изненадуваат и сигурно ќе се множат деновиве.
Она што мене не ми се свиѓа, уште од времето на Мајкл, а и на Меџик, Бирд и др. е тоа што увек се бара “следниот”, посебно следниот Мајкл. Па, се прават тешки глупости и се става притисок на некои млади момци кои едноставно тоа го немаат во себе и во секој случај се сосема различни индивидуи.

Така ги имавме бебешките споредби со Мајкл и Шек: Харолд Мајнер?!?!?!? беше Бејби Џордан, Еди Кари – Бејби Шек.

Имавме споредби кои се базираа чисто на бојата на кожата, како таа на Дирк со Лери, иако станува збор за тотално различен тип на играчи. Тука може да се додаде и Кристијан Лејтнер, кој пред да замине од Дјук го нарекуваа следниот Мекхејл.

Ипак, најмногу споредби имало баш со Мајкл. Од тотално глупи како тие со Мајнер, Стекхаус, Хил, па до не толку мрски како тие со Коби.

Ипак, главната грешка е во тоа што воопшто се бара “следниот”. Секоја од тие легенди обележа дел од историјата на НБА и беше уникатна личниост, исто како што се некои сегашни НБА фаци, кои се уште си го бараат местото меѓу легендите.

Нити Мајкл беше следниот Др.Џеј, нити Лери беше следниот Петит, нити Шек следниот Вилт. Исто како што Леброн не е нити следниот Мајкл, Лери или Меџик, (иако во својата игра има елементи на сите тројца), нити Коби е следниот Мајкл, нити Неш е следниот Стоктон или Амаре следниот Мелоун (бирајте, Карл или Мозес).

Споредбите се некогаш основани само ако се мисли на влијанието кое некој играч го има врз играта, врз менувањето на сфаќањата и пристапот кон кошарката. Никако споредбите според тоа што го прават на теренот или пак бојата на кожата. Ако критериум е само она од првата реченица, тогаш следниот Мајкл би можел да биде само Ајверсон.

Знам, знам, зашто сеа Ален? Е па, затоа што ако погледнете подобро како се гледаше на НБА 1996 година кога Ален дојде во лигата и како на неа се гледа денес. Затоа што пред Ајверсон да почне да прави плетенки, никој жив во историјата на лигата немал таква фризура. Затоа што освен пред Ален, секоја тетоважа влечеше споредби со фрикот Родман и секој кој беше малку повеќе ишаран се сметаше за фрик. Затоа што Ален инспирираше цела генерација млади играчи, не многу повисоки од 185 цм., а последен од нив е Крис Пол. Затоа што како што Мајкл беше се што НБА претставуваше, така Ален беше, а донекаде се уште е се што НБА не би сакала да биде. Затоа.

Нормално, ова не е пост за Ален, зошто знам дека за некоја година ќе почне да се бара следниот Ајверсон, исто како што ќе се бараат следниот Коби, следниот Леброн, Гарнет, Данкан итн., колку и да звучи тоа апсурдно.

Никогаш нема да има следен од било која НБА легенда или легенда ту би. Тоа е за оние кои живеат во минатото или па не им се свиѓа сегашноста, па бараат иљач во иднината.

(Постов тргна од идеја да стане некој вид привју за втората рунда, а се претвори во нешто сосема поинакво. На кратко, три тесни и една лесна серија за Пистонси).

ПС: Само за Бето. Вечер у 02:00, Мајами – Њу Џерси. (Или ипак не?!?!?)

Ај, ќе бидам дарежлив, еве го распоредот на Спорт4 за цела следна недела. И после ја сум бил стиснат.

Вторник, 09 MAJ 04:30 FENIKS – LA KLIPERS

Среда, 10 MAJ 03:30 SAN ANTONIO – DALAS

Четврток, 11 MAJ 02:00 MAJAMI – WU XERSI

Петок, 12 MAJ 04:30 LA KLIPERS – FENIKS

Сабота, 13 MAJ 23:00 DALAS – SAN ANTONIO

Недела, 14 MAJ 21:30 WU XERSI – MAJAMI

Вторник 16 MAJ 01:00 KLIVLEND – DETROIT

За малце ќе заборавев. Марче пред некој ден ми го прати својот НБА фудбалски тим, кој вчера, на моја сугестија, го апдејтуваше малку. Мислите дека овие момци би имале што да кажат у Дојчланд за месец дена?
(До кај сте со албумот за Светско?)

Пред некој пост (скролај надоле) ставив слична ваква слика, само со Неш на неа. У моментот тоа одговараше на актуелната ситуација. Со оглед на тоа што се дешаваше сабајлево во Аризона, сликата мораше да претрпи ситни измени.

Shepard’s take: Она што се случи синоќа во Феникс, беше ДЕБАКЛ. Не ми иде некако да се изразам.. ама ќе пробам. Со рандом мисли..

Лејкерси влегоа поразени. Од првите минути и серијата 10-0 се виде што ќе биде.. После тоа, некако воспоставија „контакт“ и предноста се туфкаше од 15 до ако не се лажам 9 поени..

И после тоа Барбоса, Тим Томас и Диа завршија работа..

Нешто што не го применија пурпурните беше заземјување на напнатата утакмица. Кога Коби ја даде тројката за 9 разлика, тука мораше да се крене рачна, и да се задржат налетите на Феникс.

Правило од учебник е дека кога се брка водство треба да се стегнат зуби. Така, округло десетте на Феникс требаше да станат долна граница, односно да не се допушти нешто изнад таа цифра. И наместо да загризаат ЛА, дозволија тоа да биде најмалата предност, односно дозволија противниците да ја зголемат (на крај искочи дека ја умножија).

Коби имаше само 16 упатени..

Мислам, тоа е тоа. Прегазување со ваљак и убивање на секој грам самодоверба..

Градско дерби ќе беше боље.. онака, Лејкерс – Клиперс, тоа ти е као Милан – Интер, Реал – Атлетико, Баерн – 1860 Минхен, Работнички – МЗТ, Ливерпул – Евертон, Јунајтед – Сити..

Како и да е, плејофот иде понатаму, а што се тиче Лејкерси, редно е малце поасолен пазар да напраат..

Толку со овој тим. Мислам дека е максимумот.

Мајк Браун сабајлево можеше да испадне најголемиот морон, или пак најголемиот генијалец на светот у моментите кога се решаваше победникот на Гејм 6 од дуелот со Кавси и Визардси. За негова среќа, Дејмон (факинг) Џонс?!?!?! го погоди својот прв шут на утакмицата у својот прв контакт со топката у финишот на продолжетокот у само 14 секунди поминати у игра на цела утакмица и им ја донесе победата на Кавси и првиот пласман во 2. рунда по 13 години (1993), ставајќи крај на најдолгиот плеј-оф пост на Истокот.

У тек на цела утакмица се прашуев што се дешава со Дејмон, знам дека не е повреден, зашто го нема да влезе барем на некоја минута? Знам дека не е некој дефанзивец типот, али има една од најмирните руки на светот, што кога го имаш Леброн у екипа, кој стално е удвојуван, може многу да значи.
Тоа беше посебно евидентно на неколку пати у нападот кога Ерик Сноу ќе примеше топка сам на тројка или пет-шест метри од кошот, и не знаеше што да прави со неа, не дај боже да шутнеше.

Ништо боља рука нема ни Лери Хјуз, кој цела серија на моменти личеше како уште да игра за Визардси, а не за Кавси. (Знам дека имаше 12 асистенции). Лош играч за улогата на сајдкик на Леброн.

L…is for the way you look at me…O is…

Зззззззз, како што му кажуе и надимакот, ја преспа цела утакмица и освен еден тип-ин, единствено што можеше да се види од него е дека у Кливленд не продаваат жилети.

Дру Гуден беше на нивото на Зззззз, само што барем покажа знаци на живот со “нежниот” фаул над Хејвуд, кого го остави ќор на едно око за момент. (За коментаторот на Спорт4, кој бај д веј беше многу бољи од типчето кое не мачеше оваа недела: Тоа што Брендан се фаќаше за око и си местеше нешто, беше леќата, која му падна при контактот со Гуден). Кога сме кај Спорт4, вечер у два е седмата у Феникс, а ќе ја коментира Лекиќ.

Свака част на Флип “Муда” Мареј, Донјел Маршал, Керон Батлер (20 скокови!!!) и Антонио Дениелс. Ипак, како и у другите пет дуели на овие два тима, шоуто на вечерта беше двобојот на Леброн и Аринас, поради кои сакав серијава да отиде у седма одлучувачка утакмица. На крајот, баш нивниот дуел го реши победникот. Но, не нивниот поентерски дуел, туку оној кој го имаа кога Жилберто се најде на слободни на 15 секунди до крајот. У тија моменти Брон му пријде и му кажа:

-”If you miss both of these free throws, the game is over.”

И, клики-ти-кленк, клики-ти-кленк, Аринас ги утна двете слободни, а мене одма ми текна на Пипен и Мелоун пред девет години.

“It’s hard to swallow. I feel like I let my team down, my city down . . . there’s always going to be opportunities. I can’t let these two free throws dictate the rest of my career. There’s next year, the Olympic Trials coming up. I hope I make that team. Give me two free throws at the end of that.” – кажа разочараниот Аринас после средбата.

Нормално, после ова Кавси одат у Детроит, каде им завршува годинешниов плеј-оф сон, но тоа не ја намалува победата у прва рунда.

Пошто немаме клипче од вчерашните поени на Дејмон, еве клипче од решавачкото положување на Леброн у Гејм 5, и тоа снимено од трибините на “Кју” од страна на момците од Yay!

Ин адр њуз, Спарси конечно изиграа шампионски, без проблеми го поминаа “Арко” и сега идат на Далас на финалето пред финале на Западот.

Џаст у овој момент ја минавме границата од 30 000 јуникс посети у помалце од година дена постоење.

Се обидувам да бидам објективен, ама не иде.

Лејкерси неправедно изгубија во натпревар во кој неправедно ќе беше и да победеа.. судиите се глупи, да, ама тоа е..

Врвна утакмица, не може никој да спори..

Меѓутоа, се потврди уште еднаш дека во играта на Феникс тешко дека некој може да им парира. Сепак, Коби и другарите вчера беа и повеќе од солидни противници. Речиси перфектна игра, која не беше доволна за победа..

Смуш е крив, ама и не е крив. Се истроши кутриот бркајќи го Нешти.

ЛАЛ ги натскокаа Феникс со 12:6 во офанзивни, 39:31 вкупно. Имаа ист број на украдени топки, а сепак, ЛАЛ имаа дури 20 изгубени наспроти 13 на Феникс (тоа се 7 напади помалку). Веројатно тука се виде глупавоста на судиите (за личните во напад). Но, тоа е. Во плејофот не смее да се вади на судии – едноставно, изгубивме.

Коби убаци 50 поени на 35 шута, со 57% реализација.. а Леандрињо Барбоса убаци 22 со 7/9..

Неам зборови. Квами 8/9 од поле.. ЛО на раб на трипл дабл.. се жртвуваа, играа.. ама тоа е плејофот. На сите виновник им е Смуш, ама ја не го кривам – дечкото е тој, даде све од себе во одбраната, а сепак не го успори Неш.. ама толку е, тоа се неговите можности. Некогаш ќе даде 20, некогаш ич.

Сега мора да се тотално фокусирани на седмата утакмица, но со таа разлика што сега повторно се во иста ситуација како пред почетокот на сезоната – тотални аутсајдери, а згора на се` имаат каде каде разнишана самодоверба после двата последователни порази (особено депримирачки е вториов, на свој терен у продужение).

Феникс победија со 6 играчи.. Тим Томас пак џокер.. не ми се верува еј, ТИМ ТОМАС.. Коби тоа што го утна у последна секунда се обиде да го надокнади во продужение.. капак на све, слободните на Џорџ..

Вака мизерно не сум се осеќал од финалето со Детроит.

Но едно останува сигурно. Без оглед на исходот на серијата, без оглед на тоа кој ќе биде МВП, конечно Коби почнува да ги добива признанијата за сопствените заслуги. ЛО стана тоа што се очекуваше од него, Квами го надминува комплекот на „уште една утка“, Лук пружа игра која е над неговиот потенцијал (изненадување у пм), Вујачич си обезбеди место и за догодина..

Треба да се стегнат заби и да се отпатува во Феникс со крената глава. Треба достојно да се заврши ова поглавје, како што му доликува на еден од најглорифицираните НБА тимови, во обид да се отвори нов лист, „градско дерби“ со Клиперси.

Сепак, и да заврши утре сезоната на Лејкерси, јас ќе бидам задоволен со оглед на она што го очекував од нив пред неколку месеци.

Ќе се памти.. ќе се памти гејм 4.. ќе се памти куцањето преку Неш..