Немам многу време за пишување, го спремам супрајзот. Затоа, оставам на некои од нашите добри пријатели да си кажат што им лежи на душа пред вечерашнава Гејм 5 у Детроит, која може да им биде задња на Пистонси сезонава. Пљус, фала на сликата на пријателите од Farlane, NBA Comix
Сликава е сменета со цел да ви покажам какви НБА стручњаци се типците од ЕСПН, кои после неколку саати ја исправија грешката. Али, пажљивите момци низ вебот им ја фатија глупоста. Пазете ја легендата за сликата.
Плус, сеа доле го имате плеерот на коуст ту коустот на Шек.
Плес, плес, плес, плес….па после глуми лудило кај судии, како “Hе го пипнав, жими мајка!!!”
Не дека судиите не направија една-две грешки сабајлево, ама тие беа и на двете страни. Примадоните од Детроит изненадени од тоа што судиите конечно почнаа да ги свират нивните сники фаулови и плескања се убија од плачење и правење фаци накај судиите….а на крај тие беа исплесканите.
Вејд и Шек се на корак до финалето, ама се уште не би ги отпишувал Пистонси, кои се к’ниња кои знаат да запнат кога најмалце се очекува од нив. Флип Сандерс од друга страна, уште од сега го отпишувам.
Kошон на Вејд од зад грб преку Дајс и coast to coast-oт на Шек…
Иначе, гледам дека не можете да спиете од тоа “Се е бело у Мајами” филмот.
Финтата зашто е така, и плеј-оф средбите на Хит изгледаат како да се играат у Дубаи е чисто маркетиншка и е дел од кампањата на Мајами наречена “WhiteHotHeat” според која се замолуваат сите со карти да бидат облечени у бело, а и седиштата се преслечени у бело, така да да не се примети кога на трибините на старт не се до задње место исполнети.
Лани Мајами ја имаше истата финта у плеј-офот, само што тогаш сите беа облечени во црвено, како дел од кампањата наречена “RedHotHeat”.
Ај сеа на спиење.
Како допуна, еве го и текстoт за у новини….
Мајами и порано бил вака блиску до финалето, но никогаш со вака комотно водство и никогаш со поголема самодоверба (like now).
По кој знае кој пат во своите кариери, Двејн Вејд докажа дека нема човек на планетава кој може да го чува кога ќе влезе во ритам, а Шекил О’Нил докажа дека нема човек кој може да го спречи кога ќе прими топка во рекетот. На четвртата средба од серијата со Пистонси, Мајами тоа го искомбинира со цврста и активна одбрана и одлична последна четвртина за победа од 89-78 и водство од 3-1 во финалето на Истокот.
Тоа ги става Хит на еден чекор до големото финале, со три меч топки во своја рака. Минатата сезона тие водеа со 3-2 против Пистонси, но ги загубија следните две средби, создавајќи глад која можат да ја задоволат со само уште една победа во оваа серија.
Клучот на подобрата игра оваа година лежи во новите имиња, но и во пристапот на Мајами кон секоја средба како да е седма, нешто за што најзаслужен е Пет Рајли.
Тој нивен пристап беше евидентен и на 4. дуел, кој по израмнетиот старт во втората четвртина ги исфрли на виделина сите позитивни карактеристики на “жешките”. Така, можевме да го видиме Џејмс Поузи како се фрла по топка во првиот ред од трибините, влетувајќи директно во познатите ар-ен-би ѕвезди Ашер и Џермејн Дупри. Го видовме Ентоан Вокер на влез како го изнудува третиот фаул на Рашид Волас, а потоа и им покажа три прсти на резервите на Пистонси, колку да ги потсети кој прекшом му е по ред на Шид.
Го видовме Шек, кој застана на 21 поени и девет скокови, како потстетува на времето кога играше за Орландо, блокирајќи го пасот на Ричард Хамилтон и водејќи ја топката до кошот на Детроит ореку целиот терен за лесно положување.
И на крај, бевме сведоци на растот на големината наречена Двејн Вејд, кој погоди одлични 8-11 од поле за конечни 31 поени.
Сепак, и покрај одличната игра на Мајами, гостите на полувремето заминаа со минус од само шест поени, минус кој по седум минути игра во третата четвртина станаа плус седум, најмногу по заслуга на зоната за која Хит немаа решение и која не му дозволуваше на Вејд да прими топка.
Пистонси беа во добра позиција да изедначат на 2-2, но ударното трио Билапс и двајцата Воласи влегоа во проблеми со лични, а и Вејд не можеше долго да остане во сенка на нивната одбрана.
Поените на Двејн од зад грб под фаул од Антонио МекДајс на средината од последниот период ставија точка на средбата и ги деморализираа Пистонси на пет минути до крајот, кога Мајами поведе со плус 12 (79-67). Ол-Старот не само што уфрли 12 поени во тие 12 минути, туку и имаше две големи асистенции за тројки на Поузи и Гери Пејтон.
Гостите се обидоа со се да го запрват во финишот, но залудно. Нешто на што ќе мора да поработат доколку уште вечерва не сакаат да си ја завршта сезоната, и тоа на домашен терен во Детроит.
Играчите на Детроит се познати по тоа што секогаш на погрешно место ја бараат причината за речиси секој нивни пораз, а овој пат, за да не се свртат кон Флип Сандерс, тие им се свртеа на оние кои се најлесни мети, судиите.
Но, судиите не се виновни што Пистонси толку се истрошија во текот на сезоната па сега и физички и психички почнуваат да паѓаат кога е најпотребно. Не се судиите виновни за тоа што тие не можат да одржат високо ниво на игра во текот на сите 48 минути.
Играчите се подеднакво виновни колку и тренерот, но оваа серија неизбежно стана референдум на тренерските плеј-оф квалитети на Сандерс.
После финалињата по конференции ќе направам еден пост за се што научивме од секоја серија посебно, а ова нека биде како привју.
Една ствар која како сите да ја заборавија оваа сезона е таа кој е и што значи за НБА Шек. Додека вниманието, сосема разбирливо, се вртеше кон некои помлади фаци (една од нив расте во самиот двор на Шек), некако во сенка падна човекот кој обележа една цела декада и пол и кој претставува уникатна појава која има свое посебно место во историја на баскетот.
Со играта против Детроит, Дизелот им ги отвара очите на сите кои го подзаборавија, кои рекоа дека е преспор, предебел за пак да биде доминантен како некогаш. Можеби тој не е оној од пред четири-пет години, зашто и железни колена би попуштиле секој ден да мораат да носат 150 кила, но никако не смее да се каже дека Шек више не е Шек.
Не знам за вас, ама мене ептен ми се праи ќеф кога го гледам како си игра со високите Пистончиња, посебно со Бен, кој нали, четири сезони по ред е најдобар дефанзивец (за тоа колку ја заслужува таа награда афрото имам пишувано и порано).
Гледајќи го Шек на дуелите со Детроит, па и со Нетси и некои со Чикаго, научивме дека кога сака и кога не му свират смешни фаули у напад, Шек може да биде доминантен како некогаш.
- Научивме дека тој е доволно паметен да знае дека нема потреба да има 40 обиди од поле секоја вечер, не покрај играч како Двејн покрај себе, кого тој го нарекува “најскромниот момак и најголемиот талент” со кој играл.
- Научивме и дека кога треба, Шек знае да се постави како лидер и да им го плесне у фаца на Вокер, Пејтон и другите момци, како после 2. средба у Детроит, кога ги врати на земја своите помошници, правејќи ги свесни дека токму тоа е нивната улога – да бидат помошници.
- Научивме дека во ерата на изумирање на центрите, Шек е последниот голем од нив, освен ако Јаоза пак не огладни следната сезона.
- Научивме дека нема човек кој без помош од судиите може да го чува Шек, па ни сега кога има 34 години.
- Научивме дека Шек е најподвижниот човек на планетава со таа висина и тежина и дека Мајами направи фантастична трампа со Лејкерси пред две лета, после која не знам како може Мич Купчак уште да не е линчуван.
- И задње, научивме дека секоја споредба на Бен Волас и Шек е жива навреда за Дизелот и стално кога ќе чујам такво нешто на ТВ или ќе го прочитам негде ме тера на повраќање. Тоа е како да се споредуваат Матераци и Роналдо, Симиќ и Пеце, баби и жаби, Костовски и Марв Алберт…
Ај малце да одмориме од плеј-оф ствари.
По се изгледа и на Коби конечно му успеа да започне некаков тренд во лигата. Барем ако еден после него се смета за тренд. Амари Стадемаер, исто како и Кобстерм од следната сезона веќе нема да го носи дресот со нумеро 32 кој ќе го смени со #1, кој го имаме видено со ваков дизајн на Санси, откако задњи го носеше Пени Хардевеј пред некоја година. Причината зошто “сезонава не-ѕверот” се одлучил за вакво нешто сепак е много пологична од таа на Коби, затоа што момакот едноставно си поскавуна фреш старт, нов почеток после сезоната целосно сјебана поради операцијата на едното, а после и другото колено.
Коа сме кај Амари, мајка му е гилти за возење пијана, нешто што е случај и со мајка му на Леброн. Не им е лесно кога израснале млади толкави ѕверови сами. Зашто сеа малце да не уживаат у парите? Само што уживаат на погрешен начин.
Лери Браун е очаен да остане у Њујорк, а ако тоа не му успее барем ќе знае дека се обидел се. Задњи потег на Лери е желбата да го донесе како помошник Њујорк’с фејворит сан, Петрик Јуинг, со што би ја добил подршката од фановите. Ипак, за да се ангажира Пет, некој ќе мора да лета од сегашните помошници, кои се големи пријатели на Ајзеа. Њујорк, Њујорк, барем никад не им е досадно…
Кавси го наградија Мајк Браун, иако типот многу-многу и не се наработи у првата сезона. Барем Фери призна и рече дека главен приоритет летово ќе му биде ангажирање на помошник за Браун кој е специјалист за напад. Конечно им текна. Сеа уште да им текне дека им треба плеј и четворка или петка, а зашто не и некој шутер на два-три. Ситница.
За драфт уште не праиме муабет, не само затоа што веројатно ќе биде еден од најслабите декадава, него и затоа што скоро секоја екипа мисли како да го трампа својот пик.
“О, мон диу, ај хит з вининг шот. Вива ле сирк д Соле” – беа првите зборови кои излегоа од устата на Борче Диа по големата победа на Феникс сабајлево сред Далас.
“Ду винершницл думес кроасан французен шајзе Пјер Папен” – рече Дирк и замина во соблекувалната.
Сериозноста на страна, Гејм 1 од финалето на Западот беше чиста класика и стварно ми е криво што читам по коментарите дека ретко кој од вас имал можност да ја гледа. Затоа у кратки црти еве што се дешаваше на крајот:
Далас можат слободно да си маваат глава у ѕид што дозволија да изгубат добиена средба, посебно на хартбрејк начинот на кој го папаа сабајлево.
Си имаа плус девет на три и пол минути до крајот и сите у Далас си беа насмеани и весели. Се додека “нивниот” Нешти не им го закопа у грб.
После тоа како одигра вчера, не би требала да има више никаква дискусија за тоа дали Стиви ја заслужи својата втора МВП титула по ред.
Малиот Канаѓанец сам направи серија од 10-2, у која убаци две тројки, две слободни и едно лудо положување преку Дирк у кое имаше чист фаул слеџа на најдоброто му другарче. Како да не беше тоа доволно, откако Ејвори го стави Маркиз да го чува наместо Тери, Нешти фрли перфектен, ама ПЕРФЕКТЕН лоб пас до Мерион за лагано, пензионерско куцање…и водство на Санси.
Мавси го имаа задњиот напад, барем така делуваше на старт и одиграа одлично движење на топката кое на крај го остави сам нивниот најдобар играч на средбата Херис на некои четири-пет метри од кошот, шутче кое Девин мирно го погоди за +1 на Далас на 4.8 секунди до крајот.
Бркот викна тајм-аут, по кој Тим Томас изведуваше аут. Откако стана јасно дека МВП нема да може да прими пас, Тим одлично го виде Борче кој направи две финти, го излета Стек и погоди не баш лесен шут за два на 0.5 секунди и +1 за Феникс.
Мавси пробаа да направат нешто, ама лоб пасот за Дирк заврши у аут,Мавси фаулираа, сунцата убација две слободни и то је то. Сеа тие ја имаат предноста на меч дома повеќе, нешто што и тоа како се покажа важно за нив у овој плеј-оф.
За тоа дека бевме, а и се уште сме сведоци на еден од најдобрите плеј-офове на сите времиња – нема збор. За тоа дека ова е најдобриот плеј-оф на сите времиња, не знам, ипак не сум ги гледал сите разигрувања од старт до сега, ако некој од вас го гледал слободно нека пише. Иако знам дека Вулканци не не гледаат (мада не би имал ништо против Т-Пол да остави некој логичен комент).
Иначе, Благодарницата на Мавси и Санси ќе им биде врачена утревечер пред Гејм 2.
Линков нема везе со НБА, али ќе ме болеше срце да не го ставев. Зборови не се потребни. Борат у Кан!
За крај, ексклузивна фотка од Поп, Тимчо, Фин, Тони и Ману некаде во близината на Девствените острови.
Толку. За тоа дали вечер ќе има на Спорт4, не знам. За тоа дека треба да им бидеме благодарни за гледањето повеќе НБА у задњиве три недели од било која друга Јуро-земја, освен НБА ТВ – требаме. За тоа дека и коментарот на Синдикејт држи вода – држи. Е сеа, треба да се најдеме негде у средина.
Задња вест: 80-90% вечер на Спорт4 ќе ја има Детроит – Мајами. Откако МакНБА ја гурна работата. Морав да се испрдам малце:)
Допунско: Му реков на Шеп, ама па него не му се фаќа тастатура за утакмицата од сабајлево, која он ја нарече “мрскоријата која го отрезнила, иако бил клен”.
Не дека Мајами и Детроит заслужуваат да се пишува нешто за нив, барем не по Гејм 2, кој беше жива посеровка. Ваљда после толку големи средби у плеј-офов бевме осудени на една ваква.
Мислев да пишам пост, али после долго размислување, од некои две секунди, сконтав дека на тоа вчера нема да му ја направам таа чест. Само ќе спомнам неколку ствари.
- Со кој памет остатокот од Мајами шутираа како луди од надвор и од неизградени позиции од дистанца, кога на секој втор напад го имаа Шек да прми топка на блок, блиску до кошот. Да имаа малце у главата, а и Рајли да им кажеше, Мајами и покрај никаквата игра ќе си тепаше, а Шек ќе имаше некои 30 поени и 20 скокови. Лесно.
- Колку и да е фантастичен Двејн, момакот на моменти, и тоа дооолги, ми се губи од теренот. Иако е у игра, у тие моменти не прави ништо, барем не корисно за екипата, а деветте изгубени топки секако дека не им дојдоа добро на Хит. Малце ме чуди ваквата негова игра, затоа што за разлика од Леброн, или па Коби, он барем има со кого да подели пас, да излезе од блок или да спушти топка у рекет.
Е сеа, па у моментите кога е со главата у игра, нема човек кој може да го запре. Само малце почесто да имаше такви моменти.
- Тејшон “Богомолката” Принс е кључот на Пистонси у овој плеј-оф. Кога игра тој, игра и Детроит. У победите Тејшон има просек над 18 со 49% реализација, а у поразите едвај 14 со 41%.
- Исто како Принс кај Пистонси, така и Вокер е кључот за Мајами. Кога игра како у првата, Мајами нема проблеми, кога игра како вчера, а тоа е почеста глетка сезонава, Шек и Вејд остануваат сами у напад.
- По некоја логика, како што влегуваат во играчки зрели години, а потоа и стануваат ветерани, играчите се помалце играат на снага и физички предиспозиции и се повеќе им проработува интелектот. Барем така би требало да биде. Пејтон, Вокер, Морнинг, Шендон итд. вчера беа анти-пример за такво нешто. Како со физ. способ. да им се намалил и капацитетот на мозокот, а богами и видот.
- Хаслем е ТРУБА. У овие две одигра цели 53 минути у кои убаци цели два поени.
- Она со годините би требало да се однесува и на судиите, у некоја мерка. Ама не и за оние од сабајлево. Да нема забуна, јас сметам дека судиската работа е една од најтешките во про-спортот, ама па и да се прават толку грешки низ целиов плеј-оф е претерано. И што мајка бара уште геријатрикот Бевета да суди со негови 66 години?!?!?
Дик одувек бил познат дека сака да биде у центарот на вниманието, а така беше и вчера, посебно по фаулот на Шендон над РИП, кој не знам по која основа беше свирнат како намерен. Труби.
Реков малце…
Ако сликата вреди 1000 зборови, онда клипот сигурно вреди десет пати повише. Е па онда, еве ви го најкраткиот реферат од 12000 (и кусур) зборови. Евр.
Бидна драфт лутријата и како што веќе знаете, Торонто го лапна 1.пик, а втори ќе бираа Никси да немаа мозок ген. менаџер и уште помозок газда. Наместо тоа, Булси ќе си бираат втори, а Никси ќе си заглават со Еди Кари и без драфт избор у 1. рунда и следните две години. Иначе, пикот на Булси ми е бољи од тој на Репторси, затоа што на овој драфт најдобрите играчи се баш на тие позиции на кои тие се најјаки. Флајт го спомна Морисон, ама мислам дека порно бркот нема шанси да биде 1., ипак Коланџело не е толку глуп. Затоа и Булси се у предност затоа што како 2. ќе го изберат Андреа Барњани од Бенетон, кого го споредуваат со Дирк и кој сезонава неколку пати го гледавме у Евролига.
Најпаметен потег на Торонто би бил трејд на 1.пик, ама па тоа не се дешава така често, а и овој драфт нема некој играч за кој вреди да се откажеш од ѕвезда. Барем не некоја голема.
Иначе, надежите дека Хоукси нема да бираат у Топ 3-4 ми се испунија и они го имаат 5.пик, идеален конечно за избор на плеј.
Да, да, Мајами ги згази Пистонси, ама па мене тоа нешто не ме изненади посебно. После серијата со Кавси ми стана јасно дека Детроит не е така добар тим како што сите мислат, исто како што Бен не е така добар дефанзивец како што го прават.
Кај нив предноста е во тоа што 100 години играат заедно, ама у овој плеј-оф како да ја нема ни таа предност, тој еџ.
Сезонава беа така добри затоа што додека другите се уигруваа, тие си возеа на стара хемија. Е сеа, коа другите почнаа са кликаат, тие и не изгледаат така страшно.
Мислам дека на скоро сите од нас кои се серевме до пет сабајле, посебно после тројката на Енди Гарсија, ни олесна кога Мавси победија и спречија ново НБА не-финале на Спарси со Пистонси. Ова беше утакмицата која за некои 10-20 години ќе се спомнува како таа на која Диркулес од НБА ѕвезда станал суперстар. Свака част, Дирк, како и мудоњите Тери, Стек и мај мен Гана Диоп, кој по повод победата над шампионот своето село у Гана го частеше со100 кози. Сликава подоле е 2+1 на Дирк со кои ми го врати срцето на место.
* * * * *
Сега е ред на Мајами, то јест Шек и Двејдвејн целосно да ги вратат вратите во нормала у светот на кошарката и да ги пратат Пистонси по риба.
Шала на страна, очекувам тесна серија, која ако отиде у седум, онда Пистонси се у предност. Се зависи од здравјето на Вејд, како и тоа дали судиите ќе му го свират секој контакт на Шек со противничките центри, смешка на која бевме сведоци у првите две рунди.
Допуна: Сеа ми текна. Вечер, пред Мајами-Детроит е драфт лутријата, која за мене како фан на Хоукси последниве неколку години ми е еднакво важна како што за некои други фанови на вистински НБА екипи им е битен плеј-офот. Арно ама, годинава се надевам дека Хоукси ќе добијат што е можно понизок пик само Били Најт да не избере уште едно ниско/високо крило и да мора да бира плеј или центар.
Ипак, она за што држам палци вечер не е 1. пик на Атланта (еј, ипак е прв), него Булси да го добијат 1.пик, оној на Никси кои они го имаат по ланскиот трејд на Кари. А знаеме дека шансите за такво нешто не се мали. Замислете му ја фацата на Ајзеа ако тоа се деси. Ако после такво нешто не го пратат у Синг-Синг, никад нема да го пратат.
