Чувствувам дека ова, иако до сега не го сретнав никаде и се држеше во сенка, може да стане една од побитните приказни во следниов период, посебно кога зборуваме за Блејзерси и нивниот лидер Брендон Рој.

Работата е во тоа што Рој, за разлика од сите останати играчи во лигата, па и тие кои не се од САД, веќе две години не присуствува на интонирањето на химната на САД (и Канада) на теренот. Додека тоа се одржува на паркетот пред секоја средба, Рој си заминува во тунелот кој води кон соблекувалните и таму чека да завршат химните за да се врати на теренот.

Ова за некој можеби и не е чудно, но Америте сериозно се палат на својата химна и за нив секој кој не стои мирно додека таа се интонира редовно се означува како предавник. Кај нас можеш да чепкаш нос, да зборуваш на мобилен, па и да седиш и грицкаш семки на “Денес над Македонија“, но во Америка химната е светиња.

Како Рој до сега успеа да остане “незабележан“, не знам, но по текстот, до кој има линк подолу, мислам дека нема да му биде тоа така лесно да го прави тоа и во иднина.

Плус, ми текнува дека пред повеќе од десетина години Махмуд Абдул-Рауф заработи суспензија од една средба за неприсуството на интонирањето на химната на САД. Тоа тогаш беше личен протест на “Баскетџијата некогаш познат како Крис Џексон“, што не мислам дека е случај со Рој.

Но, останува да видиме, а не верувам дека Комишот ќе дозволи ова да помине туку-така.

It is not a political statement. It is not a protest. He said it is not intended as a slap on patriotism, or the ongoing war but Trail Blazers guard Brandon Roy has long been absent from the Rose Garden Arena floor during the national anthem.

For two seasons now, Roy leaves the court before “The Star Spangled Banner” is performed. He waits out of sight, in the arena tunnel, and has a quiet moment of prayer while his teammates stand and honor America together.

Something about that feels troubling.

Целиот текст е од Oregonian.

По се изгледа Ајверсон не е подготвен да се откаже од НБА, а како што стојат работите, ни НБА не е подготвена да се откаже од него. Нормално, ако за дел од НБА се уште ги сметаме Никси.

Последната информација за Ајверсон и неговата иднина е поврзана со ТитаНикси, кои се заинтересирани за него. Предлог за брак помеѓу идеални партнери.

На Њујорк очајно му е потребно име кое колку-толку би привлекло публика, иако тоа не би сменило ништо кога се во прашање победите. Тие и така “имаат“ систем на игра во кој шутира секој кога стигне, со исклучок на неколку партии кога едно 20-тина минути изиграа тимски, така да Ајверсон лесно би се вклопил. Тоа што не играат многу одбрана исто така е плус.

Исто така, Ајверсон нема да ги чини многу и ќе го потпишат на една сезона, што значи нема загрозување на сонот дека следното лето може ќе лапнат нешто од “Колачот 2010“, иако и тоа станува се помалку веројатно.

Идеална комбинација која нема никакво значење во денешната НБА. Кој би рекол такво нешто пред неколку години да му спомневте дека Ајверсон ќе заигра за Њујорк.

ПС: Не знам што мајка бара Мајами да си игра со оган и да се интересира за Ајверсон?!?!?

Ви текнува на Дејвид Вон? Момакот кој беше дел од Орландо во последната сезона на Шек таму? Е па, Вон очигледно е идеалниот кандидат за прашањето “Како да спискате 2.2 милиони долари и на крај да завршите на улиица?“ Ама, буквално на улица.

Отсекогаш сум се чудел како некои професионални спортисти или пак музичари успеваат да банкротираат и во некои случаи и да завршат на улица, каков што е примерот со Вон. И ако тој е за чудење, што да се каже за ликови како Кемп, како Ајзеа Рајдер или пак, она што е последен таков пример, Ентоан Вокер, кој во кариерата имаше заработено преку 108 милиони долари, а сега мака мачи да отплати некои долгови. Бедник.

Пак на Вон. Неговата приказна е вистинска лекција за сите оние ликови и оne hot wonder-и кои ги гледаме на MTV Cribs, како се расфрлаат со луксузни куќи и автомобили.

Мајкл Бизли летово призна дека има проблеми со неодбивање алкохол и лесни дроги, што веројатно и не е така лоша навика, нормално, доколку не сте НБА играч којслучајно можеби е и нечии идол. За да ја исправи таа грешка, Бизли летово, откако на Твитер се појави негова компромитирачка фотка. се пријави на лечење од  кое излезе после месец дена со ветување дека се сменил.

И се ќе беше фино, дури и ќе му веруваа, да не се појавеше фотката која ја гледате, која може да сугерира многу работи, а во исто време можеби момакот не правел ништо. Но, кој да знае и кој ќе му верува на Бизли после вториов кикс. Линк до приказната ТУКА.

Човек би помислил дека можеби 23 или 32, 33 или 34 се најпопуларните броеви кои биле носени низ историјата на НБА. Арно ама, не е така. Во оваа категорија рекордер е дресот со број 12.  кој го облекле најмногу играчи низ историјата на НБА. Поточно, вкупно 327.

Од нашата ера најпозната фаца која ја носела 12-та е тазе жителот на Спрингфилд, Џон Стоктон (и Доминик во Бостон ), како и “миленикот“ на масите Брус Боувен, додека во денешната НБА убедливо најпознат лик со таа бројка како заштитен знак на својот грб е Двајт Хауард. Далеку зад него е Ламаркус Олдриџ.

Сепак, она што малку чуди, ако се земе во предвид дека многумина ја засакаа 23-та после Мајкл, е тоа дека ланската сезона 18 играли носеле дрес со бр. 12, додека само десет со бр. 23 на својот дрес.

Извор, одличниот за вакви работи – basketball-reference

Celtics coach Doc Rivers told WEEI in Boston on Thursday that there is a strong chance Kevin Garnett will miss the entire postseason. “He’s not going to be ready. After watching him practice, there’s no way,” Rivers said on WEEI-AM. “The way I saw him move today, I don’t know if he’ll be ready.”

Garnett injured his right knee on Feb. 19, and has only played sparingly in four games since.

Ако ова е точно, тогаш сонот на Бостон за одбрана на тронот уште сега може да се спакува во некое од грнињата на Лепраконот. Еве го и ЛИНКОТ до целата приказна, која некако не ми мириса на добро, барем не за Селтикси. За остатокот од Истокот ова е, за жал, многу добра вест.

Изберете си, нема утка. Исто ко последниве четири години.

Кој да верува дека Јариќ ќе биде дел од два поста во една недела. Но, тоа ти е кога нема ама баш ништо друго интересно во НБА.
Според SI, кој е сериозен медиум, нашиот пријател Марк-О Јариќ е обвинет од одредена женска личност за сексуален напад. Тоа се случило во Филаделфија, каде Гризлиси гостуваа на 11 февруари, а и денот претходно го поминаа таму. Инаку, како што е познато, Марк-О три дена покасно на Валентајнс Деј, т.е. ја побара за жена (и она му кажала – ДА) Адријана Лима. Е сеа, по она американското – Невин додека не се докаже дека е виновен, Марк-О е нели, невин. Ама, доколку се докаже дека има нешто во целава работа, е па тогаш Марк-О брате, стварно од најсреќен човек на светот стана најголемиот кретен на светот.

А кој знае, можеби целава работа е поврзана со онаа друга невиност, таа на Адријана, со која оваа цело време се гордее.