Леброн – 40 поени, 18 скокови, 9 асистенции

Вејд – 30 поени, 9 скокови, 6 асистенции.

Индијана – Мајами 93:101 за 2:2 во серијата.

Ѕверови.

На кого му треба Крис Бош. Или па био кој друг соиграч (освен можеби Јудонис Хаслем).

Денешнава НБА во многу работи се разликува од онаа со која јас пораснав и во која се заљубив. Примери за тоа имаме многу во текот на само оваа сезона, а последниот ни го даде Вејд синоќа, кога влезе во расправија со својот тренер додека нивниот тим губеше со 14 разлика во Индијана. Тоа што Пејсерси не се предаваат и гинат на терен не е нешто што Вејд и другарите го очекуваа, а добрата одбрана над него само уште повеќе го исфруструира играчот кој на моменти делува само како сенка од она што беше пред 2-3 години.

Во некои други времиња, кога имаше авторитетни тренери во НБА, и кога и најголемите ѕвезди си го знаеја своето место и улога во тимот, вакви работи не се гледаа. А и ако се случеше нешто вакво, не му се пишуваше добро на играчот, без разлика за кого станува збор. Но, во Мајами, како и во многу други екипи немаат тренери кои можат да воспостават авторитетна позиција и кои би ги натерале ѕвезди да ги почитуваат.

Сега имаме лига во која ѕвездите мислат дека се семожни, дека тие кажуваат кој ќе биде тренер, кои ќе му бидат соиграчите, мешајќи се во работата на другите и се помалку правејќи го она за што се платени, а тоа е да бидат најдобри на теренот. Таму каде што им е и местото. Мајами е совршен пример за една таква ситуација, и поради тоа веројатно не им се ни симпатични на голем број фанови.

Леброн е играчиште, и тука нема збор, но проблем за овој тим веројатно е во човекот кој седи на клупата, кој не може да има влијание какво што еден тренер треба да има на својот тим, како и во Вејд, кој делува страшно неинтелигентно во последно време и само уште повеќе ја нарушува атмосферата во тимот кој игра без Бошко.

Далеку од тоа дека Двејн не е паметен, а разговорот со Рајли веројатно веќе се случил по вториот пораз од Инди. На него е да се опамети и врати во ритам набрзина, зошто не им се пишува добро на Мајами ако пак одигра ко мифка ко синоќа.

Во студиото на Inside The NBA како по обичај, и синоќа се разви добар муабет, овој пат за последниот напад на Мајами и нивниот фејл во последните секунди против Индијана. Леброн или Вејд? Еден од нив сигурно, но никако и Марио Чалмерс.

Прекар кој многу повеќе би им одговарал на играчите на Мајами по она што синоќа се дешаваше на Флорида. Не дека ни оригиналните Пејсерси не се потрудија да ја усерат малку на крај, но Мајами, со своите проблеми во последната минута сосема заслужено си заслужи да ги наречеш Пацери.

Ако останува на Марио Чалмерс да решава дали ќе изгубат или ќе одат во продолжение, кога на терен ги има Вејд и Леброн, тогаш сосема заслужено си изгубија, иако не е нелогично да се оди на трета опција во последни секунди. Но, не ако никој освен двата суперстара на цела текма не дал повеќе од пет поени, тогаш е јасно кој треба да решава, само на нив двајца е да одлучат кој е во подобра позиција и кој има повеќе муда за такво нешто.

Муките од слободни и на едните и на другите беа очобол во финишот, а на крај најбитно е тоа што имаме серија од 1:1 по првите две текми во Мајами, нешто што ретко кој можеше да го предвиди. Повредата на Бошко, колку и да не го сметаме за битен фактор и на ниво на Лебронтије и Вејд, си го прави своето, посебно кога Хит немаат играч способен да поентира константно во рекетот, и кога Лебронтије и покрај својата снага одбива да научи да игра со грб кон кошот.

Фрустрациите од непредавањето на Индијана и очекувањето судиите да те извадат од некои ситуации сами по себе ја зголемуваат, па тоа води кон вакви потези:

Ако продолжат Пејсери да гризат и да играат опасно ко колектив, посебно во одбрана, за очекување се нови фрустрации. Посебно ако Вејд не си ги добива фаулите кои е навикнат да му ги дувнат кога ќе падне ко погоден со секира на паркет.

Како и во секоја серија, сакам седум текми, а пoбедата на Инди и повредата на Бошко само уште повеќе ги зголемуваат шансите за тоа.

Ако некој имаше сомнеж зошто Леброн си е по трети пат во кариерата МВП на регуларен дел, човекот даде се од себе синоќа против Индијана да ги разбие тие сомнежи. Тој, во тандем со Вејд, ги надиграа самите Пејсерси во второ полувреме, убацувајќи повеќе поени од целиот тим на Инди. Пејсерси се држеа, ама немаа во тимот некој како Леброн или Вејд, или пак некој кој би знаел како да ги сопре.

Придонесот на Лебронтије уште повеќе добива на тежина со оглед на тоа дека беше прв скокач на текмата, беше прв стрелец и не дозволи Инди да извлече изненадувачка победа во вечерта во која Мајами на полувремето остана без Бошко, кој заработи повреда на стомачен мускул. Во зависност од тоа дали е скинат, а тоа ќе се знае денес, ќе се знае колкава пауза го чека.

За вакви работи знае да биде и до месец дена, а тоа значи дека Лебронтије ќе мора и во следните текми да игра повеќе во рекет, нешто што и не му е баш омилено. Но, само по себе спаѓа во описот на еден МВП, кој мора да направи се што е во негова моќ да му помогне на својот тим да победи.

Тоа Лебронтије го направи синоќа, а ќе видиме дали ќе успее да го прави и во остатокот од серијата против високите момци на Инди. Почетокот му е добар. Тамански за еден МВП.

Сосема заслужено. Од денеска Леброн, барем кога е МВП наградата во прашање, ќе се спомнува во ист муабет со Мајкл, Расел, Вилт, Меџик, Лери, Мозес и Карим.

Овој плеј-оф е шансата конечно да почне со овие имиња да се споредува во друга, многу побитна категорија.

Настрана стрипчево, на Пејсерси и на тие кои во финалето на Истокот ќе се сретнат со Мајами ќе им биде потребна бааги Вуду магија за да направат изненадување.

Од Индијана изјавуваат дека не се чувствуваат како аутсајдери, што е добро за нивната самодоверба, но тешко дека некој нема така да гледа на нив во оваа серија, која стартува во недела.

Дали ова е конечно годината во која Леброн ќе го стави својот прв прстен? Конкуренцијата на Истокот не ветува некој силен отпор (сори фанови на Бостон и Инди), но дали некој од Западот пак ќе им биде крвник ко лани Далас?

Леброн и Мело во средно, пред да станат големи НБА ѕвезди и пред Леброн да биде тој кој ќе носи стегачи на глава. И тоа не еден.