Можеби на повеќемина Карл Мелоун не им беше омилен играч. Нешто што можам да го разберам, зашто и јас во тие години кога се запознавав со НБА не бев некој фан на Поштарот. Ми беше ѕвер со невидената мускулатура, но како и на повеќетп деришта, Јута не ми беше баш омилен тим.

Но, како што течеа тинејџерските години и се повеќе се осознаваа основите на кошарката, правопропорционално се зголемуваше респектот за Јута, Мелоун, Стоктон, Слоун и Хорни.

Пред точно десет години Поштарот стана прв на вечната листа на играчи според бројот на реализирани слободни фрлања. Поминувајќи го преодниот лидер, презимењакот Мозес, на кого сезонава му се срушија некои други рекорди.

ПС: Поштарот е најдобар пример колку напорната работа има влијание во развојот на еден играч. Кај Мелоун веројатно имаше само 5% талент, но затоа работеше како мазга на тие 95% човекот и стана една од најдобрите четворки на сите времиња…Играњето со Стоктон секако дека помогна.

Некои од вас го знаат Ајзеа само како ликот кој со амин од Долан речиси уништи еден од најпознатите клубови во НБА.

Сепак, Ајзеа е многу повеќе од тоа, посебно како еден од најдобрите играчи со 180 см. и кусур на сите времиња. На денешен датум пред 17 години Ајзеа стана само четвртиот играч во НБА со 9.000 асистенции. Толку од муабетот дека бил себичен играч.

Со неколку минути задоцнување. МЈ и неговите 24.000 поени во кариерата во сезоната во која Булси ја освоија својата прва од второто трио титули.