Со тројка во последната секунда од натпреварот против Македонија, Русија го освои првото место во нашата група и во четврт-финалето ќе игра против Србија. Ќе беше многу подобро да играме со Србија, но како и да е, главата горе, ова не треба да не разочарува, јаки сме, го покажавме тоа многу пати. Одиме на Литванија храбро!

ПОЛНИ СРЦА КАКО ПОЛНИ РЕВОЛВЕРИ!

Brzinski post od nekoi 400 km (valjda) juzno od Skopje.

Ja izgledav vcera nasata pobeda nad Slovenija na prviot kanal na grc. nac. TV – ET1. Interesno bese sto, barem na pocetokot, grc. komentator se trudese sto e mozno poretko da gi izgovara iminjata na nasite igraci, no kako sto tecese tekmata morase da go smeni toj svoj pristap. Toa deka ne vikaat Skopjani i FIROM vo prenosi ne e nisto novo, iako na kajronot od FIBA i kaj niv stoi – FYR of Macedonia.

Tipot imase ponekoj komentar koga vo kadar ke se pojavea sloveneckite navivaci, no ne i nasite. Epten zamolkna koga gi pokazaa likovite so antickite kapi. Ne deka mene mi se svigja toj navivacki rekvizit nesto posebno, no mozese da se primeti deka na tipot ic ne mu e po vkus.

Za nasata igra, odlicno, sozrevame od tekma vo tekma. Vo poslednite 5 minuτi dosta padnavme. no se razbudivme na vreme protiv Slovenija koja e daleku od onaa selekcija koja vetuvase mnogu pred samo 2 godini. Znam deka ne se kompletni, no ne moraa da go brkaat Zdovc od klupa.

Imam uste dosta raboti da napisam, deka Vlado bese klucen, deka navreme bese Pero sednat na klupa, deka se nadevam deka Gec e vo red,  no slusam kako me vika moreto, onaka, pobednicki da se izmocam vo nego.

Со победата против Грузија, нашата кошаркарска репрезентација се пласираше во четврт-финалето на Европското Првенство кое овие денови се игра во Литванија, и со тоа го постигна најголемиот успех на македонската репрезентативна кошарка. Пласманот во четврт-финале значи дека Македонија е меѓу осумте најдобри репрезентации на Европското првенство. Ова претпоставувам дека сите го знаете.

Во продолжение следи кратка анализа на неколкуте варијанти и ситуации во кои може да се најде нашата кошаркарска репрезентација.

Според правилата, понатаму, во четврт-финале одат првопласираните четири репрезентации од двете новоформирани групи (Е и Ф). Според моменталниот учинок, од нашата група тоа ќе бидат Македонија, Русија, Грција и Словенија. Шансите за Грузија и Финска се минимални, би рекол, само теоретски.

Што се однесува до другата група, онаа од која ќе го добиеме противникот во четврт-финалето, најверојатно понатаму ќе одат: Франција, Шпанија, Литванија и Србија или Турција. За последниот патник, за четвртото место, блага предност им давам на Србите, иако во моментов Турција на табелата е едно место пред Србија. Од оваа група испаѓаат: Германија заедно со Турција или Србија.

За полесно да се разбере понатамошниот тек на натрепварувањето, ќе разгледаме еден конкретен пример, во кој ќе формираме четвртфинални двојки според моменталниот пласман на репрезентациите. Во примерот/анализата ќе ставиме главен акцент на нашата репрезентација и  нејзините перспективи, бидејќи секако, да не беше таа, овој текст немаше да биде напишан.

Во моментов, пласманот во двете новоформирани групи изгледа вака:

Група Е

1. Франција – Е1
2. Шпанија – Е2
3. Литванија – Е3
4. Турција – Е4
5. Србија – Е5
6. Германија – Е6

Група Ф

1. Русија – Ф1
2. Македонија – Ф2
3. Грција – Ф3
4. Словенија – Ф4
5. Грузија – Ф5
6. Финска-Ф6

Четвртфинални двојки би биле следниве:

Е1 Франција – Ф4 Словенија (од оваа двојка ќе добиеме Победник1 и Губитник1)

Ф1 Русија – Е4 Турција (од оваа двојка ќе добиеме Победник4 и Губитник3)

Е2 Шпанија – Ф3 Грција (од оваа двојка ќе добиеме Победник4 и Губитник4)

По редоследот по кој се напишани, следат и полуфиналните двојки (Победник1 – Победник2, и Победник3 – Победник4). Јас ќе претпоставам дека понатмау одат: Франција, Литванија, Русија и Шпанија, па така тие ќе бидат Поб1, Поб2, Поб3 и Поб4.

Наредните (полуфинални) парови се: Франција – Литванија и Русија – Шпанија, ќе претпоставиме дека Франција и Шпанија ќе играат во финалето, и дека Шпанија ќе биде европски шампион…

Ако пак успееме да издвојуваме победа против Литванија, ние играме во полуфинале, и одиме на Франција, понатаму знаете…

Сепак, бидејќи ова е малку веројатна варијанта, ќе се вратиме на опцијата Литванија да ја порази нашата кошаркарска репрезентација, и ќе го разгледаме она што би се случувало потоа.

По четвртфиналето, поразените екипи продолжуваат да разигруваат за пласман од 5то до 8мо место.

Губитник1: Словенија, Губитник2: Македонија, Губитник3: Турција, Губитник4: Грција.

Г1 оди на Г2 а Г3 оди на Г4.

Соодветно, двојките би биле: Словенија – Македонија  и Грција – Турција, победниците од овие две двојки, играат меѓу себе за 5то место, поразените за 7мо.

Ако го запазите редоследот на натпревари, можете да ги разработите и другите можни комбинации, што ако сме трети во групата, што ако сме четврти, или пак први… тоа го оставам на вас. Да напоменам дека, ќе играме уште минимум пет натпревари на првенствово.

Инаку, што се однесува до нашите четврт-финални притивници, од она што јас до сега го видов на ова ЕП, мислам дека шансите да отидеме во полу-финале ни се многу мали, сепак, поради она што нашата репрезентација до сега го прикажа, нема да кажам дека шанси не постојат. Инаку, кога јас би бирал противник за четврт финале, најпрво би ја избрал Србија, и тоа, од причина што пред околу еден месец на турнирот во Словенија им пруживме солиден отпор, затоа што физички не се така моќни како Франција или Шпанија, и затоа што верувам дека имаат расклимана самодоверба по трите порази што до сега ги доживеаа на ова ЕП. Втора на списоков ќе ја ставам Литванија, која иако е комплетна репрезентација, и иако игра дома, сепак, може да се случи да има слаб шутерски ден, а кога не им оди шутот (што се случува ретко) може да се победат. Што се однеспува до Франција и Шпанија, сметам дека шансите против нив се исклучително мали, пред се поради нивната НБА физичката супериорност, овие две репрезентации ги сметам за најголеми фаворити за златен медал.

За крај, битно е да се напомене дека, репрезентациите кои ќе е пласираат од 3то до 6то место ќе учествуваат на квалификациски турнир за олимписките игри во Лондон следната година. Доколку Србија не влезе во финале, постои голема веројатност тој турнир да се одигра во Белград. Финалистите пак, обезбедуваат пласман на ОИ со самиот пласман во финале.

Грузијскава Црвенкапа до последен момент веруваше во своите момци, веруваше дека ќе успеат да изборат продолжение, дека ќе успеат да го одржат сонот за историско четвртфинале. Но, не беше свесна дека волкот цело време беше позади неа, сигурен дека неговата глутница ќе биде таа која ќе игра четвртфинале.

Дека неговата глутница победници ќе биде втора селекција, по Французите, која по првото коло во новата група веќе се најде меѓу најдобрите осум во Европа.

Што се случи по текмата со Црвенкапа, се уште не е познато. Иако судејќи според стомакот на волкот, тешко во него да се нашло место за некого освен баба и’.

Еве го споменикот кој треба да се најде сред Плоштад.

Пред стартот на Евробаскетот на некои свои другари им кажав дека ако бидеме комплетни и ако играме како што знаеме да играме, со срце и гинење на терен, посебно во одбрана, можеме да победиме секого во нашата група. Нормално, со оглед на тоа дека бевме во група со Грција и Хрватска, како и Ц.Гора, која делуваше добро во подготовките, оптимизмот мораше да биде умерен.

Но, Грците без Спанулис, Папалукас, Дијамантидис, Скорцианитис, Маврокефалидис итн., како и Хрватите без Укич на плеј и асален селектор на клупа, беа голема шанса за нас. Шанса која со двете раце ја искористивме и остваривме историски успех. Колку беа бедни Хрватите на овој Евробаскет е нивни проблем, кој тие сега ќе имаат доволно време да го анализираат. Грците успеаја да стигнат до следната фаза, нешто што со тој тим може да се смета и за успех, но се’ повеќе од тоа ќе биде сензација.

Токму таа сензација за сите сме ние, не поради квалификацијата во следната фаза, туку поради максималните 4 поени кои ги носиме со себе во неа. Сензација се и Финците, кои пред само две недели обезбедија место во Литванија преку дополнителните квалификации.

Црногорците сами се зезнаа, а на еден ваков турнир на виделина излезе немањето на еден вистински организатор на играта. Босна на моменти делуваше добро, но факт е дека беа најслабите во нашата група, без некоја посебна перспектива од она што можеше да се види.

Како и да е, ние можеме да се гордееме и со првото место, и со нашите момци, и со историскиот успех на оваа селекција, која барем малку ја разбуди инаку штурата спортска атмосфера во земјава (со исклучок на Работнички летово).

Се’ повеќе од ова ќе биде нова причина за уште поголемо спортско славје, а шансата за такво нешто ни се пружа веќе во четврток и дуелот со, реално гледано, послабите од нас Грузијци. Квалитетот го имаме, а мислам дека после овие пет текми во група, ги имаме научено и лекциите за како да бидеме уште подобри. И покрај тоа што ние бевме тие кои до сега делеа лекции.

ПС: Уште ако биде вистина денешната вест дека Заза најверојатно нема да игра во четврток, шансите за четвртфинале значително се зголемуваат

Она што ми е најмрско (од малкуте такви работи на Евробаскетот, кога се нашите во прашање) се дресовите и посебно натписот кој стои напред. Сите репрезентации на своите гради ги имаат имињата на земјите кои ги претставуваат, само ние имаме име на спонзор.

Знам дека ова е пред се поради спорот со Грците, кои во ФИБА не фураат со ФИРОМ, иако добар дел од земјите кои се во Литванија не викаат Македонија, но освен ако Витаминка не плаќа едно чудо пари за своето име таму, мислам дека морало да се побара некое подобро решение, кое подобро би ја претставило Македонија.

Дали со знамето (не мало знаменце) на местото на Витаминка, дали со поголеми бројки напред, а знаме или некој наш симбол на гради, не знам, но некако ми е мрско да слушам како некои странци во заебанција не викаат Република Витаминка. Не дека нам не ни е послатко кога ги заебаваме на теренот, но сепак.

ПС: На Твитер видов и замерки за бојата на дресовите, за бледата жолта и за премногу темната црвена, кои не се карактеристични за Македонија, но тоа мислам дека веќе е врзано со брендот кој ги прави дресовите.

ПС2: Да нема забуна, постов е предизвикан од тоа што на дресот сакам да видам да пишува  – Македонија, а не име на некој спонзор.

By Chote (Aнгелов480048)

Во продолжение следи  кратка анализа, и предвидување за тоа како би требало да се одвиваат настаните за нашата кошаркарска репрезентација на ЕП во Литванија.

Во нашата група има шест репрезентации од кои, скоро извесно е дека понатаму одат:

Македонија, Грција и Хрватска

Вкрстуваме со група од која најверојатно во втората рунда ќе одат Русија, Словенија и Грузија

Во моментов Русија и Словенија имаат 3/0 скор, а Грузија со денешната лесно издвојувана победа над Украина се издвои како кандидат за одење потатаму од триото Бугарија, Грузија и Украина.

Во новата група ќе има шест репрезентации, а според почетните бодови (оние што се пренесуваат од првите групи) табелата ќе изгледа вака:

1. Македонија 4 бодови
2. Словенија 4 бодови
3. Русија 3 бодови
4. Грција 3 бодови
5. Хрватска 2 бодови
6. Грузија 2 бодови

Во втората фаза од натпреварувањето ќе играме против: Словенија, Русија и Грузија. Шансите да ја победиме Грузија ни се изгледни, па така, само со една победа, би имале 8 бода, со што шансите да НЕ обезбедуваме четвртфинале ќе бидат минимални, бидејќи од вториве групи понатаму одат по 4 репрезентации. Тоа ќе значи и најголем репрезентативен успех на македонската кошарка.

Доколку пак издвојуваме уште само една победа во вториот дел од натпреварувањето (освен таа против Грузија), тоа ќе значи дека, и да го изгубиме 1/4 финалниот натпревар, ќе играме за 5то место, со што обезбедуваме место на олимпискиот квалификациски турнир, кој Бане вика дека најверојатно ќе се игра во Белград.

За олимпискиот турнир, ќе пишувам понатаму, камо среќа да има потреба!

Многу јако нели?