Само што завршив со нешто повеќе од 4 саати гледање баскет без прекин, од Мајами-Далас до Лејкерс-Тандер, така да искрено не ми се пишува некој дооолг пост за сето она што се случуваше синоќа на Флорида и во Калифорнија.

Во куси црти, Мајами пак го победи Далас сезонава, овој пат дома, каде доминираат до сега. Арно ама, ако сакаат да освојат титула ќе мораат да се поправат на гости, каде не импресионираа до сега. На Лебронтије како да му фали агресивност во играта на последните текми, а Бошко игра многу подобро дома, отколку на гости. Вејд им е константа без разлика каде играат, а Клингонецот е поквалитетна опција во рекет од Питмен, чии минути ги лапна.

За Далас, иако изгубија и сезонава не се баш најсјајни, ми делуваат како екипа која може да биде ептен опасна во плеј-оф. Џим Кери како да го чува Диркулес за плеј-оф, а најголемо засилување може да им биде Одом, кој како конечно да почнува да заличува на себе. Одбраната во рекетот им е најголем проблем, и тоа ќе мораат да го поправат.

Тандер по Мајами, си ги тепаа и Лејкерси, овој пат Дурентула и Вестбрук како да имаа променети улоги, а високите момци пак одлично си ја вршеа работата во рекетот. Фишке беше тој кој го разбуди во втора четвртина, а одбраната и Вестбрук тие кои им донесоа победа во второто полувреме.

Со таков Расел ко синоќа во Ел-Еј, Тандер се фаворити на Запад дефинитивно, кога на него ќе се додадат Дурентула, Ибака, Мргудот, Брадата и одбраната на Табо, заедно со искуството на Фишке и предноста на домашниот терен, сосема е јасно зошто се во пол-позиција за титула на Западот. Спарси, Лејкерси, Мавси и можеби уште понекој ќе сака нешто да каже на таа тема, но засега си грми, и тоа силно на Западот.

За Лејкерси, си почнаа одлично синоќа, но по првата четвртина почнаа да паѓаат за на крај тотално да паднат во второ полувреме. Тоа се случува кога немате квалитетни опции од клупата, како и кога Гасолина никако да заигра машки во рекет. Кобстерот силуваше синоќа, и тоа на велико, водејќи некоја лична војна со противникот, а Бајнам, со уште малку интелигенција, ќе стане прва опција во напад. Самото тоа што ги имаат Коби, Пау и Бајнам не дозволува човек да ги отпише, но ќе треба некој да истапи, и тоа квалитетно, за да се надеваат на успешен плеј-оф.

Не се зезај со Белата мамба!

ПС: Не ми се верува кој ремет (и воопшто интерес за сеир) се уште го предизвикува Скалабрини. Неверојатно. Кој знае што ќе се случуваше со ликови како Стив Стипанович, Курт Рембис, Чак Невит, Двејн Шинциус, Џек Сикма и друштвото доколку во нивно време постоеше интермецот.

Што е Реал – Барса во фудбалскиот свет, тоа е текмата Лејкерс – Бостон во НБА. Факт.

Синоќешниот дуел во Стејплс никако не разочара, беше интересен и возбудлив до последен момент. Изобилуваше со добра кошарка, многу пресврти, максимална борбеност, жар, желба да се победи противникот. Рон Мета Ворлд Артест Пис и Пол Пирс се погрижија и вметнаа и оригинален Ел Класико моменат  на утакмицата таму некаде во третата четвртина имаа една мала р’чка..

По се изгледа носењето маски на теренот станува се попопуларно во Лос Анџелес. Откако Коби почна да ја носи неговата пред нецели две недели, иста маска ко таа на Кобстерот синоќа во Стејлпс носеше и Крис Пол. Но, тоа не им помогна на Клиперси да престанат со крајно променливите игри.

До текмата во Сан Антонио сите се прашуваа зошто Дел Негро им е се уште тренер, потоа малце стиша тоа на еден ден за после бедниот пораз дома од Голден Стејт пак да се дискутира за некомпетентноста на Дел Негро. Нешто што не е воопшто ново кога е во прашање некогашниот бек на Спарси и лик кој до сега никогаш се нема докажано како тренер.

Да биде поразот од Вориорси уште поболен, по него и победата на Лејкерси над Бостон, Кобстерот е маскираниот лик кој се наоѓа на врвот на Пацифик. Податок кој повеќе кажува за квалитетот на таа дивизија отколку за квалитетот на Лејкерси.

Она што Вејд му го направи на Коби не беше обично пуштање крв, туку КРШЕЊЕ нос и потрес на мозок.

После удесувањето на Рондо во ланскиот плејоф (му го исчаши рамото), сега Вејд си ја покажа темната страна насред Олстар утакмица. Фаулот над Коби беше непотребен и неумесен. Особено што исто ко на Рондо лани, не му се ни извини. Џабе му е и трипл-дабл и све. Ваков гнасен потег (па уште од позади, коа Коби не ни очекуваше) му го одзема целиот кредибилитет во очите на фановите. Среќа што ова му го направи на Коби кој има стабилна база на хејтери, а не на Џереми Лин или Дурент или некој друг миленик на фановите низ светот, пошто тек тогаш ќе беше големата.

Но Коби е јак дечко, па ни скршен нос не го спречи од играње добра утакмица. Потресот на мозок го спречил од дружење со медиумите и забављање, но тоа и не е така голема работа.

Кога сме кај Коби – денес проструи шпекулација дека болките во коленото и скочниот зглоб летоска, пред експерименталниот тертман во Германија му биле толку големи, што дури планирал да се пензионира! Да се потсетиме, заради повредите Коби минатата сезона играше многу малку, скоро и да не тренираше, и имаше ниски бројки. Оваа година, залечен (иако го мачеше зглобот на раката), и мотивиран после разводот кој го кошта пола богатство, Коби делува подмладено и оди храбро кон нови достигнувања – го пројде Шек по број на поени, а ете и Џордан како најдобар стрелец во историјата на Олстар натпреварите.

Она што го очекувам лично во следните неколку натпревари е љута и накурчена Мамба со маска ко Рип Хамилтон. Особено ќе биде интересно кога на четврти март Лејкерси ќе гостуваат во Саут Бич, па можеби Коби ќе го почасти Вејд со некое пеесче или постерче.

Последни секунди, твојата екипа губи со два разлика и има напад. Топката е во рацете на твојата најголема ѕвезда, која е чувана од најголемата ѕвезда во противничката екипа. Сценарио какво што може само да се посака во една текма чија единствена поента е да ги собере најголемите НБА ѕвезди на едно место.

Арно ама, една од ѕвездите одлучува дека нема да игра еден на еден, туку ќе се обиде со додавање за тројка да го решава победникот. Шутот за три е очаен, но топката сепак останува кај екипата која беше во напад, која добива уште една шанса да избори најмалку продолжение со двојка. Топката на 5.5 секунди пак доаѓа во рацете на нивната најголема ѕвезда и сега сите очекуваат дека, со оглед на тоа дека нема време за ништо друго, конечно ќе го видат клач-дуелот еден на еден на двете најголеми ѕвезди.

Сепак, тоа не се случува откако наместо на шут, ликот во син дрес се дига и оди на додавање преку неколку противнички играчи!? Додавање во последните секунди кога твојот тим губи со два поени разлика. Во текма во која НБА фановите сакаат да го видат најдоброто од најдобрите.

Веројатно тоа е и најдоброто од него во такви моменти. Мене лично не ми текнува на играч кој се има одлучено на ваков начин да решава текма, па макар била и ревијална (а има доста ситуации во кои истиот лик со дадавње се обидел да решава). Се сеќавам на поени за победа со звук на сирената на Стоктон и Меџик, дуо кое за мене беше едно од најнесебичните во историјата на НБА.

Се сеќавам и на поени за победа на ѕвездата која е под лупа тука, но тоа сеќавање некако полека, но сигурно избледнува.

Инаку, додавањето во последните секунди нормално, не ни стигна до конечната цел, а тоа се погрижи да му го стави до знаење на својот конкурент и најголемата ѕвезда на победничката екипа, на која не и беше јасно зошто неговиот ривал се одлучи на таков, нелогичен потег. Тоа веројатно не му беше јасно на никого на теренот, а ни на сите кои се најдоа во арената во Орландо, но и оние кои останаа будни до сабајле во очекување на нешто подобро.

Сепак, од кого е, веројатно не ни требаше да се очекува повеќе. Откако ја усоврши својата игра до тој степен да се спомнува како најдобар играч на денешницата, ликот до крајот на оваа сезона ќе мора да поработи на менувањето на мислењето за него, посебно во моментите кога се покажува кој е роден победник. Па било тоа и на ревијален натпревар.

По ова видео Олд-скул има сосема ново значење кога Коби е во прашање.