Без намера да потпалувам некоја дебата таму каде што ја нема. Твитов на Лејзенби само потврдува нешто што на сите им е јасно. Единствен кој може да се споредува со Мајкл е човекот кој својот стил на игра и движење на теренот го изгради токму на темелите на наученото од гледањето на Најголемиот.

Нормално, ако не те бива и немаш талент, џабе ти е колку сакаш гради ти на тие темели, пак ќе испадне некоја дивоградба која нема да успее во НБА. Коби успеа, и тоа како успеа, а не е мала работа да биде единствениот кој самиот Мајкл мисли дека вреди да се споредува со него. Коби веројатно никогаш нема да го достигне нивото на Мајкл и неговите достигнувања, но тоа е нешто за што додека може да оди човекот не би се кладел против него со оглед на тоа каков е невиден фанатик. Невиден уште од времето на Мајкл. Уште нешто што им е само на нив двајца заедничко.

Мајк Браун синоќа го болеше тројката, а причина за тоа беа 33 поени на CP3, кој во дриблањето на Лејкерси покажа зошто тие беа спремни да се откажат од Одом и Пау само за да дојдат до човекот кој во комбинација со Бајнам (или можеби Хауард) и Коби како во последните свои години како играч, ќе ја продолжеше ерата на Лејкерси како еден од најдобрите тимови на Западот. Вака, гледајќи ги синоќа со Коби, кој и со скинати лигаменти растура во последните десетина дена, и Бајнам и Пау, кои беа добри во рекетот, пак им недостигаше нешто плус за да се носат со Пол и Клиперси.

Тоа веќе не можат да го најдат преку трејд, зошто не знам баш колку е паметно да се дадат Пау и Бајнам за Двајт. Други играчи кои некоја екипа би ги сакала во трејд немаат, а остатокот од тимот, предводен од Светомир, во најмала рака е сомнителен. Поради Пол, како и младоста на екипата на која Билапс и носи стабилност на еден докажан ветеран, Клиперси се тие кои сами ќе бидат криви ако не бидат подобриот тим во Ел-Еј оваа сезона.

Работите се менуваат во Ел-Еј, иако сум сигурен дека Коби ќе даде се’ од себе тоа да не се случи.

… и така 39 пати.

Двајт синоќа сруши рекорд на Вилт, нешто што ретко се случува, кога изведе неверојатни 39 слободни во победата на Орландо во Оукленд. Уште еднаш – 39 слободни! Од еден играч. Бројка која некои екипи не можат да ја достигнат во 48 минути. Вориорси ко луди го фаулираа, овој си постави шатор на слободни и убаци 21. Да имаше подобар шут за слободни човекот ќе можеше да го слави личниот рекорд во постигнати поени. Вака имаше „само“ 45 поени и 23 скокови. Само, за рушење на скоро 50 години стариот рекорд на Вилт.

Гледате некое познато име на фоткава? Тоа е our own Петар Серафимовски, чиј твит-коментар за селекцијата на Диркулес како петти најдобар играч во НБА според ЕСПН стигна до страната на тој американски медиум посветена на изборот на Новицки како петти.

Аргументот на Петар си е на место, нешто што не може да се каже за листата на ЕСПН, која можете да ја ѕирнете на овој линк - NBA Rank.

Токму поради вакви работи, од продукт кој е на крајот целиот за никаде, никогаш не сакав да составувам листи на најдообри играчите на сите времиња, најдобри актуелни играчи и сл. Во тоа дека ЕСПН се способни да ја утнат работата во целост никогаш не сум се сомневал, но оваа нивна листа, посебно првите 15 места, ги надминува сите (не)очекувања од нив, колку и да се толкувањата индивидуални.

With those torn ligaments in his right wrist – an injury that should’ve required surgery and three months of rehabilitation – Bryant is forever one collision from serious seasonal consequences. When he fails to keep the wrist moving during a game, it will swell significantly  -  Adrian Wojnarowski, Yahoo! Sports.

Не е никаква тајна дека Коби оваа сезона ја игра повреден. Со повреда која некој друг играч би го ставила на неколкумесечна рехабилитација. Еден незгоден дуел или пад го дели од можноста да ја пропушти дури цела сезона. Арно ама, Коби знае дека Лејкерси без него не прават ништо. Посебно не со тимот кој го имаат во моментов. Човекот е воин, борец и ако ништо друго не ви се допаѓа кај него, тоа е нешто што мора да се цени.

Особено ако се знае дека со таква десна дланка и зглоб, тотално сјебани, човекот успеа минатата недела да оствари просек од 33 поени и 6.3 асистенции и да биде прогласен за играч на неделата на Западот.

Способноста да се игра повреден е уште еден елемент во кој Коби се метна на својот идол, а колку му пречи проблемот со десната дланка и зглоб може да се види кога ги изведува слободните. Сепак, и покрај тоа човекот е на терен рекордни 38 минути во тимот на Лејкерси. Иди кажи му дека не може да игра. Да беше Зенот таму можеби и ќе го седнеше, ама вака, никој не смее да му каже дека не треба да игра. па макар и бил со една рака. А и добро игра да cи ееш све.

“What does that mean? Do I go in and say, ‘Trade me to a top two or three team?’ I think it’s lot more difficult than people think.

“One, it’s not my style. Maybe I’m old school, but I feel like that’s not my place to give up on my team, give up on my teammates. I signed a contract and made a commitment.

“And two, I don’t feel it’s like choosing a restaurant. It’s got to be a situation that works for two teams. And I don’t know how simple that is. But before we even get to that part of it, I just feel that I owe it to my teammates to stay committed to them. I feel that I owe it to the fans and the organization to fight.”

Од стилот на игра, до однесувањето на и вон теренот сиве овие години, Стив Неш е исклучок од шаблонот за тоа како треба да се однесуваат НБА ѕвездите. Човекот е дупли МВП, но ако се суди според начинот на кој го носи тоа, Нештињо е само уште еден лик кој ја имал таа среќа (и талент и напорна работа) да успее во НБА. И човекот ужива во тоа.

Еден од последните примери за олд-скул ѕвезди, кои не се занесуваат вон, а и на теренот. Човекот знае дека со овој тим на Феникс нема шанси за било каков успех. Веројатно нема ни да влезе во плеј-оф. Но, тоа не значи дека ќе плаче по медиуми, ќе составува листи од тимови во кои би сакал да биде трампан и останати глупости со кои се занимаваат играчи кои во своите кариери постигнале многу помалку од него.

За жал, Нештињо е само исклучок од правилото и некој во чии игри нема уште долго да уживаме.

Како тргна сезонава, секоја вечер ќе имаме понекој шут во последни секунди за победа. Синоќа тоа беше Вејд (пак, мада првото во Шарлот беше после чекори), со цепелин положување во Минесота.