Не викам дека работава на судииве во НБА им е лесна, но во последно време почнаа да прават премногу пропусти. Пример е и овој кечерски потег на Светомир, како и техничката (дупла) малку подоцна за Пау и Брадата.

Ај скрим, ју скрим, ви ол скрим фор ајскрим.

Фала ти, Интернету!

Никси и Амари до ноември нема да ги видиме на официјална НБА текма, откако Мајами лесно и без многу мака ги испрати дома со конечни 4:1 во првата рунда. Со оглед на тоа како им започна сезоната и сиот хаос околу Бркот, плеј-офот веројатно е и успех за нив, посебно како седми на Истокот.

Моментот на ренесанса со Лин, па камбекот на Мело и падот во играта, отказот за Бркот и новата ренесанса, овој пат со Вудсон на клупата беа само дел од оваа сезона, која иако скратена имаше доста материјали за Бродвеј.

Еден од последните беше истурањето на Амари врз недолжниот ПП апарат по поразот во вториот дуел во Мајами, кој ни го даде и веројатно најдобриот .GIF на сите времиња.

Точка на својата бедна игра Амари стави вчера во Мајами, со својот последен фаул оваа сезона и „фраерската“ финта која му ја направи на Батие.

ПС: Порано го викавме Ѕвер поради она што го правеше на теренот, но сега делува како тие времиња да беа многу, мноооогу одамна.

ПС: Знам дека презимето на човекот се пишува со Ќ на крајот, но Сакичов на Рондо е појак и од него. А и поентата добива на јачина.

И Бакси и Пистонси сезонава нема да видат плеј-оф. Нешто што не е никакво изненадување со оглед на екипите кои ги имаат. Поради тоа, нема потреба да се убиваат во одбрана едни против други и со повреди да си го расипат долгиот летен одмор. Тоа го знае и Родни Стаки, кој го испрати Карлос Делфино со пољубац во Аргентина. Фини и културни момци овие Пистонси

Неколку часа по Лејкерси и Тандер синоќа во „Стејплс“ играа и Клиперси и Хорнетси, а пак една брада беше дел од најсрамната акција на текмата.

Овој пат брадата не беше жртва како таа на Харден по „прославата“ на Светомир, туку беше цел на потсмев по својот обид за глума во стилот на великаните на глумата и симулацијата Тоти, Бускетс, Дрогба и нивната актерска дружина.

Реџи Еванс делува како снажен тип кој е подготвен да се бори со секого во рекетот. Сепак, ваквите негови „машки“ потези само фрлаат уште една дамка над Клиперси, кои и онака важат за добра глумечка постава во НБА.

ПС: Единствен начин да се стави крај на ваквите срамни потези и симулации е тие да почнат да се казнуваат. Комишот нема ама ич да згреши ако почне тоа да го прави од овој потег на Реџи.

Знам дека човекот мора да твита вакви работи и да дава изјави во стил дека не било намерно, дека несакајќи ја измести вилицата на Брадата, но дај бе Светомире, никого нема да излажеш со ова. Харден можеби малце влезе во неговото движење по куцањето, но тоа се дешава на скоро секоја НБА текма, по што не гледаме како лакти летаат на сите страни.

Тоа дека Светомир си има проблеми со главата не е ништо ново, а намерата, ударот по лице и неговото дебело досите од претходно се само гарант за дебела казна.

Верувам дека сега комишот се кае што воопшто му дозволи на Рон да се врати во НБА по срамон во Детроит, кога се зарече дека ќе ги елиминира ваквите уличарски потези од НБА. Да видиме што ќе одлучи сега, кога мнозинството очекува голема казна за Свето.