Еве зошто не напишав ништо сабајлево за Коби и неговото барање да биде трампан, па предомислувањето после разговорот со Фил Џексон:

After saying that he wanted to be traded on ESPN Radio early Wednesday, and then seemingly retracting that demand later in the day, Kobe Bryant spoke to The Los Angeles Times late in the afternoon Wednesday and said he still wanted off the Lakers.

At 5:27 PM, Bryant affirmed his first position as stated on the air Wednesday morning.

“Nothing’s changed,” Bryant said. “It’s just a matter of I don’t want to go no place else. I don’t have much of a choice. When things like this go down, you just sit back. What can I do? It’s like a broken record.”

When asked if he still wanted to be traded, Bryant reportedly expressed no hesitation or doubt in quickly answering “Yes.

Значи, сега Коби се предомислува за предомислувањето да биде трампан, што значи дека уствари сега сака да биде трампан?!?!? Јасно, нели?

Иначе, за Коби сум пишувал и се пишувало доста на МакНБА и искрено, никогаш не ми било јасно што се дешава во главата на Коби. Уште кога беше дел од шампионските тимови на Лејкерси и Шек, преку она во Колорадо, глумењето лудило во некои серии во кои докажуваше дека тимот не може без него, кавгите и трејдот на Шек во Мајами, книгата на Фил, па нивното смирување само една година потоа, опортунистичката игра во серијата со Феникс лани, промената на бројот, итн…

Од една страна го имате Коби – Играчиштето, кој во секој момент може да експлодира со страшна +50, +60, а еднаш и +80 партија. Од друга страна го имате Коби – Ликот вон теренот, кој исто така може да експлодира во секој момент, но само во својата главата. Мора да има некој страшен интерен конфликт во него.

Или па сево ова е еден страшно лош Пи-Ар џаб на луѓето кои стојат зад Коби, со цел да биде во центарот на вниманието и кога одамна си го завршил својот настап во плеј-офот?

Плус, стварно ме интересира што му кажал Зенот на Коби синоќа што така лесно го сменил својот категоричен став дека сака да биде трампан. И што пак пукнало во него, па пак да се предомисли?

Од она што до сега може да се сфати е тоа дека Коби веќе не сака да игра за Лејкерси откако пред само некој ден изјавуваше дека сака да се пензионира како нивни играч. Но, ако не му ја исполнат желбата ќе мора да остане нивни играч. Или не? Изгледа само Коби знае, е според она што се дешаваше во последниве 24 часа изгледа ни тој не знае.

За да го задржат во Ел-Еј на Лејкерси ќе им требаат едно или две силни имиња кои ќе значат конкурентен тим за следната сезона, а од она што се збори деновиве, тоа многу лесно би можеле да бидат Кид и Џермејн О’Нил. Само што и во двете трампи сценарија се спомнува Ендрју Бајнам како трејд елемент. Одом мора да биде играчот кој би се преселил во Индијана, ама Пејсерси го бараат и Бајнам. Исто и Нетси го сакаат Бајнам. Од другите играчи на Лејкерси никој не сака никого, што е сосема разбирливо.

Сигурно е дека со Кид и Џермејн, па и без Ламар и Бајнам, Лејкерси ќе бидат подобра екипа од оваа која ја имаат сега, но тешко дека ќе конкурираат за врвот на Западот. Пред се поради слабата логистика која би ја имало ова топ трио.

Се појавија и едно чудо трејд сценарија за Коби, но нив нема да ги разработуваме се уште, барем не додека ни самиот Коби не сфати што сака.