Поради викендашка мрза, а и тоа што бев на работа во недела, не обрнав внимание на газењето на Спарси од страна на Јута. 26 поени на крајот од Гејм 3 се најубедливиот пораз сезонава за момците на Поп, а покрај инспирираната игра на Дерон и Буз кои имаа помош во Фишер, Милсеп, Гира и Колинс. Затоа што вечер се игра Гејм 4, нема многу да ја тупам со средбата од саботата, но една ствар не ми беше јасна.

На ЕСПН, одма после утакмицата, Рик Бјукер како еден од најзаслужните за победата го издвои Мемо Окур, кој за 21 минута во игра успеа да собере пет фаула и ништо друго. Бјукер ја величаше играта во одбрана на Мехмет Паша, ама освен едната блокада над Тимчо и уште на два пати добрата поставеност, јас не видов ама баш ништо од Окур.

На ЕСПН не сакаат многу да го коментираат судењето, па изгледа и поради тоа одлучија да направат херој од Мемо. Фактот е дека судиите конечно отсудија една партија како што треба кога е Сан Антонио во прашање и не дозволија да наседнат на глумата и ѕверењето на Тимчо при секој поголем контакт во рекетот. На моменти можеби и им беа маллку наклонети на домаќините, ама ништо повеќе од нормалната доза.

Без тие поклон фаули и слободни над Тимчо, како и со неговиот третман на другата страна од теренот, Спарси не можеа да наметнат своја игра. Мемо, исто како и Кириленко, цела утакмица беа само спотери во нападот, а и не беа нешто посебно добри ни во одбраната. Екстра ако се знае колку заработуваат само они двајца по сезона. За нешто повеќе на Јута, покрај реалното судење, ќе им требаат и разбудени двете најлоши “бели“ фризури во лигата.

Вечер навивам за Јута за да гледаме право финале на Запад во следните средби.

ПС: Страшни играчишта овие Дерон и Буз, а?:)

ПС1: Само да не се деси Спарси пак да бидат г’злаци па Дерон да не игра вечер или да не може да даде се од себе поради стомачниот вирус кој го стегнал вчера.