Ги гледав момците на Слоун против Хјустон кога беа посрамотени срод Солт Лејк. После таа брука, Слоун имаше право кога изјави дека поголемиот дел од неговите играчи играа само за да земат плата.

Ситуацијата беше многу поинаква во Далас и се ќе беше идеално за Јута и враќање во нормала да не беше Диркулес и неговите 29 поени во последната четвртина. Зи Џерманот ги растури и Мемо и Бузер и Кириленко и Милсеп во последната четвртина и покажа дека ланскиот плејоф навистина беше враќање во некогашната МВП форма.

НБА рекордот за најмногу поени во последната четвртина го држи Вилт Чембрлен со 31 поен, уште кога играше за Филаделфија и кога всушност и беше најголемата машина за кошеви во историјата на Лигата. Најмногу поени пак во една четвртина има Џорџ “Ајсмен“ Гервин, со два повеќе од Вилт. Овој рекорд Гервин го дели со еден актуелен играч, а тој не се вика Коби.

Всушност, тие 33 поени од еден играч во четвртина се случија пред неполни година дена, а “машината“ беше Мело, кој сезонава е прв кандидат за прв стрелец, иако е уште рано за секакви прогнози.