…кај кои најголем “квалитет“ е глумењето фаули во напад и излежување по теренот.

Така барем би звучел описот на Андерсон Варежао, за кој, не знам зошто, Кавси си дозволија да се задолжат скоро 50 милиои во следните шест години. Износ за малку понизок годишно од оној кој Торонто го даде за Хидо, а и за Барњани.

Не дека имам нешто против Сајдшоу Варежао, ама момакот со лимитирани офанзивни квалитети и сомнителни дефанзивни, во никој случај не вреди толку пари и вистинско чудо е овој потег на Дени Фери.

Од друга страна, чисто како опис на оваа лудост на Кливленд се вестите дека Шон Мерион е нов играч на Далас за сума од 40 милиони за период од пет години, дека Заза Пачулиа, кој не е ништо послаб играч од Варежао, остана во Атланта за сума од  скоро 20 милиони за четири години, како и таа дека истите тие Хоукси успеаја да го убедат Мајк Биби да остане во Џорџија и следните три години за 18 милиони, многу помалку од сегашниот договор.

Тоа се два одлични потега на Атланта, која го има и Џамал Крафорд како засилување и сега им фали само еден висок играч да бидат стварно конкурентни на Истокот. Мерион пак, треба да биде среќен и со оваа сума по глумењето лудило дека вреди повеќе и одбивањето на неколку понуди последниве две години. Веројатно сега ќе падне на земја и ќе се врати во својата најдобра улога, на помагач на главните ѕвезди во својот тим.