Будење во Бостон, Очајот на Спарси, Тајмингот на Мавси и Скокај, Двајт, скокај…
Posted by Karakash on Wednesday Apr 29, 2009 Under Д-Вајт, Пирсинг, Постови од кабина, Playoff '09
Пирс, конечно, се разбуди и го одигра во финишот она што секој жив во Бостон го чека од првиот меч. Го погоди шутот за победа, како и неколку големи шутеви претходно и на крај се молеше Бред Милер да утне едно слободно, што и се случи. Дали имаше намерен фаул над Милер, не сум баш сигурен, ама стварно е штета за Булси што не се изборија за барем уште едно продолжение. Сега се надевам дека во Чикаго ќе гледаме реприза на Гејм 4, а не на Гејм 3.
И браво за Бен Гордон, кој играше со повреда на препоната. Дерик Роуз направи неколку грешки, но тоа се сепак руки грешки, Хајнрих и Ноа беа одлични, Реј Ален наивно направи шест лични, а Глен Дејвис се претвара во фактор. Рондо продолжи да гази, но на Бостон ќе му треба нешто и од клупа за следната средба, а гледајќи им ја клупата, не гледам кој би им го дал тоа.
За начинот на кој Сан Антонио ја заврши сезоната имам само еден збор – очај. Така беа очајни Спарси во оваа серија со Далас, а посебно синоќа, да не ми се веруваше дека еден тим на Поп може да делува така немоќно и бедно. Тончи беше преморен, цела сезона ги носи на грб, додека Тимчо колку и да се трудеше не можеше да го надополни тоа што околку себе има група граѓани неспособни за било што.
Во Далас имаме тим кој во вистинско време влезе во форма и сега ја игра најдобрата кошарка оваа сезона, што е голем комплимент за двојникот на Џим Кери, кој отсекогаш сум го почитувал како тренер. Ако продолжат вака можат да бидат опасни за секого. Добро, можеби не за Лејкерси, ама сепак, за Денвер секако, посебно со оглед на одличниот скок и движење на топката.
Од другите две изгледав малце, а и немаше нешто многу за гледање. Хјустон изигра како и што му личи на еден така офанзивно лимитиран тим, Блејзерси останаа во игра, а Орландо си ја сврте серијата на 3-2 после 24 поени и 24 скокови на Двајт. Иако се збори дека Двајт би можел да биде суспендиран за следната во Фили поради лактот над Делембер. Ако биде така, ќе се изнагледаме од ќелавицата на полскиот Др.Џеј.
April 29th, 2009 at 7:03 pm
Samo kratko, brzam da fatam liga sampioni. Na rabota si povrzavme projector, i sekoj den posle rabotnoto vreme se gleda basket. Samo sto go zavrsiv trilerov u Boston. Odma ke kazam deka faulot na Rondo bese flagrant. I morase da se dosudi. U real time razbiram sudijata da ne vidi, ama gledajki ja snimkata, ocigledno bese. Rondo nemase sansi, a ni namera, da igra na topka, nego mu zalepi klasicen samar na Miller. Sekoja cest na Pierce, Rondo i big baby. Ben Gordon… Ogromen kvalitet pokazuvaat dvete ekipi, i dvete zasluzuvaat da idat ponatamu. Se nadevam deka ke ima game 7. I deka ke ide u prodolzenie:). Pokraj vakva utakmica stvarno ni zbor ne zasluzuvaat drugite 3, samo ke potenciram deka pogodiv deka Dallas ke imaat jak playoff. Ke bide dobra serija protiv Denver
April 30th, 2009 at 12:13 am
енко, треба да го смениш насловот, наместо скокај – да стои лактај.
двајт и официјално е суспендиран од 6ката.
April 30th, 2009 at 6:14 am
ovoj artest ne nauci i ne nauci…
najnova izjava: “roy e verojatno najdobriot igrac protiv koj sum igral do sega, bolje i od lebron i kobe…”
http://www.nba.com/video/channels/playoffs/2009/04/29/nba_20090429_artest_sot.nba/index.html
April 30th, 2009 at 10:51 am
У право си за фаулот Рондо, Боро, чист намерен, требаше да има две слободни и топка од страна, ама знаеш, домашен терен, шампион и сл….
Фаулот на Рондо во споредба со лактот на Двајт, кој не ни го закачи Семи е поопасен старт, ама ај, Стју Џексон пак ја утна.
Иначе, за Рон, не ме изненадуваат неговите изјави, ама многу му е лош тајмингот.